World Cup U20៖ អាស៊ីធ្លាក់ជិតអស់ហើយ ត្រឹមវគ្គ១៦ក្រុម

2017-05-31 08:34:06
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមបាល់ទាត់ជម្រើសជាតិអាយុក្រោម២០ឆ្នាំ មកពីទ្វីបអាស៊ី បានធ្លាក់ចេញជាបណ្ដើរៗ ពីការប្រកួតដណ្ដើមពានរង្វាន់បាល់ទាត់ពិភពលោកអាយុក្រោម២០ឆ្នាំ ឆ្នាំ២០១៧ ខណៈការប្រកួតប្រជែងទើបឈានដល់វគ្គ ១៦ក្រុមប៉ុណ្ណោះ គិតត្រឹមថ្ងៃម្សិលមិញ។

ក្រុមជប៉ុន ពេលប្រកួតជាមួយវេណេហ្ស៊ុយអេឡា

ក្រុមមកពីអាស៊ី ៣ក្រុម ដែលបានឡើងដល់វគ្គ ១៦ក្រុម មាន កូរ៉េខាងត្បូង ជប៉ុន និងអារ៉ាប៊ីសាអ៊ូឌីត។ ប៉ុន្តែ ក្រុមម្ចាស់ផ្ទះ កូរ៉េខាងត្បូង បានហាលអាវហើយ បន្ទាប់ពីចាញ់ក្រុមព័រទុយហ្គាល់ ក្នុងលទ្ធផល ១-៣ កាលពីម្សិលមិញ។ ចំណែក ជប៉ុន ក៏បាត់បង់ឱកាសឡើងទៅវគ្គ ៨ក្រុមផងដែរ ក្រោយត្រូវក្រុមវេណេហ្ស៊ុយអេឡា យកឈ្នះក្នុងលទ្ធផល ១-០។

ដោយឡែក ក្រុមអារ៉ាប៊ីសាអ៊ូឌីត ត្រូវប្រកួតជាមួយ អ៊ុយរុយហ្គាយ នៅរសៀលថ្ងៃទី៣១ ខែឧសភានេះ។

កាលពីវគ្គចែកពូល ក្រុមអាស៊ី បានធ្លាក់អស់ ២ក្រុម ដែលមានដូចជា វៀតណាម និង អ៊ីរ៉ង់៕

អត្ថបទ៖ លាភ.