អាស៊ីជ្រុះចេញពីព្រឹត្តិការណ៍ World Cup U20 អស់ហើយ

2017-06-01 01:31:21
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមបាល់ទាត់ជម្រើសជាតិអាយុក្រោម ២០ឆ្នាំអារ៉ាប៊ីសាអ៊ូឌីត គឺជាក្រុមចុងក្រោយគេមកពីទ្វីបអាស៊ី ដែលបានខ្ទាតចេញពីព្រឹត្តិការណ៍បាល់ទាត់ពិភពលោកអាយុក្រោម ២០ឆ្នាំ បន្ទាប់ពីចាញ់ក្រុមអ៊ុយរុយហ្គាយ ក្នុងលទ្ធផល ១-០ នៅវគ្គ ១៦ក្រុមចុងក្រោយ កាលពីម្សិលមិញ។

ក្រុមអ៊ុយរុយហ្គាយ ប៉ះជាមួយក្រុមអារ៉ាប៊ីសាអ៊ូឌីត

នៅមុនពេលបរាជ័យរបស់អារ៉ាប៊ីសាអូឌីត ក៏មានក្រុមអាស៊ី ២ទៀត ដែលបានធ្លាក់ គឺម្ចាស់ផ្ទះកូរ៉េខាងត្បូង និង ជប៉ុន។ ដូច្នេះ ក្រុមអាស៊ីទាំង៥ រាប់បញ្ចូលទាំង វៀតណាម និង អ៊ីរ៉ង់ ដែលធ្លាក់ត្រឹមវគ្គចែកពូល បានបាត់បង់កៅអីសម្រាប់ប្រកួតប្រជែងដណ្ដើមពានរង្វាន់ World Cup U20 ត្រឹមវគ្គ ១៦ក្រុមចុងក្រោយហើយ។

មកទល់ពេលនេះ ក្រុមដែលបានឈានដល់វគ្គ ៨ក្រុម រកឃើញមួយគូហើយ គឺ ព័រទុយហ្គាល់ ត្រូវប៉ះ អ៊ុយរុយហ្គាយ។ ចំណែក ៣គូទៀត ទើបតែរកឃើញ ចំនួន ៣ក្រុមប៉ុណ្ណោះ គឺ វេណេហ្ស៊ុយអេឡា ហ្សំប៊ី និង អង់គ្លេស ដោយក្រុមទាំង៣ ត្រូវរង់ចាំអ៊ុតមើលគូប្រជែងរបស់ខ្លួន ដែលនឹងធ្វើការប្រកួតបញ្ចប់វគ្គ ១៦ក្រុម ចំនួន ៣គូ នាពេលរសៀល និងល្ងាចថ្ងៃទី១ ខែមិថុនានេះ៕

អត្ថបទ៖ លាភ.