គ.ជ.ប ចេញលិខិតព្រមានគណបក្ស LDP

2017-06-04 03:28:05
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

នៅព្រឹកថ្ងៃទី៤ ខែមិថុនានេះ គណៈកម្មាធិការជាតិរៀបចំការបោះឆ្នោត (គ.ជ.ប) បានចេញលិខិតព្រមានគណបក្សសម្ព័ន្ធដើម្បីប្រជាធិបតេយ្យ (LDP) ដែលបានធ្វើសកម្មភាពឃោសនាកាលពីថ្ងៃទី៣ ខែមិថុនាម្សិលមិញ។

នៅក្នុងលិខិតផ្ញើទៅកាន់លោកខឹម វាសនា ប្រធានគណបក្សសម្ព័ន្ធដើម្បីប្រជាធិបតេយ្យនោះ គ.ជ.ប បានបញ្ជាក់ថា "គណបក្សសម្ព័ន្ធដើម្បីប្រជាធិបតេយ្យ បានប្រើប្រាស់ប្រព័ន្ធអនឡាញ ធ្វើការផ្សព្វផ្សាយវាយប្រហារទៅលើគណបក្សនយោបាយផ្សេងទៀត ដែលជាការរំលោភច្បាប់ទាំងស្រុង ព្រោះថា គ្រប់សកម្មភាពឃោសនាបោះឆ្នោតរបស់គណបក្សនយោបាយ ត្រូវបញ្ឈប់ ២៤ម៉ោង មុនថ្ងៃបោះឆ្នោត និងនៅថ្ងៃបោះឆ្នោត"។

ក្នុងលិខិតដដែលនោះ គ.ជ.ប បានព្រមានឲ្យគណបក្សសម្ព័ន្ធដើម្បីប្រជាធិបតេយ្យបញ្ឈប់ជាបន្ទាន់ ចំពោះការផ្សព្វផ្សាយឃោសនាដែលផ្ទុយពីច្បាប់បោះឆ្នោត បើពុំដូច្នោះទេ គ.ជ.ប នឹងចាត់វិធានការតាមផ្លូវច្បាប់៕