គ្រូបង្វឹក Buriram ជាប់ពិន័យ ៣ខែ ព្រោះ...

2017-06-07 04:27:56
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក Ranko Popovic គ្រូបង្វឹកក្រុម Buriram United ត្រូវបានសហព័ន្ធកីឡាបាល់ទាត់ថៃ (FAT) ចេញសេចក្ដីសម្រេចកាលពីម្សិលមិញ ដោយពិន័យ មិនឲ្យដឹកនាំកូនក្រុមក្នុងការប្រកួតចំនួន ៣ខែ បន្ទាប់ពីបង្កហិង្សាលើសមាជិករបស់ក្រុមគូប្រកួត នាពេលថ្មីៗកន្លងទៅ។

លោក Ranko Popovic

ការពិន័យនេះ ត្រូវបានសម្រេចដោយគណៈកម្មការវិន័យរបស់ FAT បន្ទាប់ពីលោក Popovic បានទះកំផ្លៀងគ្រូពេទ្យម្នាក់របស់ក្រុម Bangkok United ក្នុងការប្រកួតចុងសប្ដាហ៍កន្លងទៅ នៅលីគកំពូលថៃ នៅកីឡដ្ឋាន I-Mobile Stadium។

លោក Popovic ដែលដឹកនាំ Buriram យកឈ្នះ Bangkok United ២-១ នឹងត្រូវពិន័យជាប្រាក់ចំនួន ៤ម៉ឺនបាត (ជាង ១០០ដុល្លារ) ផងដែរ។

ក្រុម Buriram បានអះអាងថា ខ្លួននឹងប្ដឹងឧទ្ធរណ៍ចំពោះការសម្រេចនេះ បើពុំដូច្នោះទេ លោក Popovic នឹងមិនអាចដឹកនាំចំនួន ៩ប្រកួតក្នុងលីគកំពូល។ ក្នុងនោះក៏មានការប្រកួតទល់នឹងក្រុម MuangThong United នៅកីឡដ្ឋាន SCG Stadium នាថ្ងៃទី៩ ខែកក្កដា ខាងមុខនេះ៕

ប្រភព៖ Bangkokpost ប្រែសម្រួល៖ លាភ.