ពន្លត់ភ្លើងឆេះរោងចក្រផលិតចំណីសត្វនៅខណ្ឌដង្កោ ប្រើឡានទឹក ១០គ្រឿង

2017-06-07 12:17:30
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

រោងចក្រផលិតចំណីសត្វ ដោយការកែច្នៃស្រាបៀ ឈ្មោះ ហ្វីតប្រូខេអិច នៅភូមិបាគូសង្កាត់ ដង្កោខណ្ឌដង្កោ ត្រូវបានអគ្គិភ័យបានឆាបឆេះកាលវេលាម៉ោងជិត ៤រសៀល ថ្ងៃទី០៧ ខែមិថុនា ឆ្នាំ២០១៧។ ប៉ុន្តែមកទល់ពេលនេះ អគ្គិភ័យត្រូវបានពន្លត់ហើយ។

យោងតាមរបាយការណ៍របស់ប៉ូលិសបានឲ្យដឹងថា ករណីនេះបណ្តាលមកពីជាងផ្សាជួសជុលបន្ទប់នៅឃ្លាំងក្នុងរោងចក្រហ្វីតប្រូខេអិច។ ថៅកែគ្រប់គ្រងរោងចក្រ មានឈ្មោះ Mcfarland Brent Roy ភេទប្រុស អាយុ ៦០ឆ្នាំ ជនជាតិកាណាដា ស្នាក់នៅទីតាំងកើតហេតុ។

អគ្គិភ័យនេះ បានបង្កការខូចខាតសម្ភារៈមួយចំនួន ដូចជា ផ្លាស់ស្ទីកចំនួនកន្លះតោន បាវចំនួនកន្លះតោន ម៉ូទ័រចំនួន ៥ ប្រេងបាតចំនួន ២០លីត។ ក្នុងការពន្លត់នេះ គេបានប្រើឡានទឹកចំនួន ១០គ្រឿង ប្រើប្រាស់ទឹកអស់ចំនួន ០៦ឡាន ពន្លត់ចប់នៅម៉ោង ៤:១០ នាទីរសៀល។ អគ្គីភ័យនេះមិនបណ្តាលឲ្យមានមនុស្សរងរបួសទេ៕