អង់គ្លេស វាយបកអ៊ីតាលី ឡើងវគ្គផ្ដាច់ព្រ័ត្រ U-20 World Cup

2017-06-09 02:51:35
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមបាល់ទាត់ U-20 អង់គ្លេស បានកក់កៅអីនៅវគ្គផ្ដាច់ព្រ័ត្រពានរង្វាន់បាល់ទាត់ពិភពលោកអាយុក្រោម ២០ឆ្នាំនៅកូរ៉េខាងត្បូង ក្រោយបំបាក់ក្រុម U-20 អ៊ីតាលី ៣-១ កាលពីថ្ងៃទី៨ មិថុនាម្សិលមិញនេះ។

ក្រុម U-20 អ៊ីតាលី បានបំប៉ោងសំណាញ់ទីមុន នៅដើមតង់ទី១ ដោយកីឡាករ Riccardo Orsolini។ មិនត្រឹមតែជួយឲ្យអ៊ីតាលីនាំមុខនោះទេ ការស៊ុតមួយគ្រាប់នេះ ក៏បានជួយឲ្យ Orsolini ឡើងឈរកំពូលតារាងអ្នកស៊ុតបញ្ចូលទីច្រើនជាងគេផងដែរ (៥គ្រាប់)។

យ៉ាងណាក្ដី ក្រុម U-20 អង់គ្លេស បានវាយបក ៣គ្រាប់វិញនៅតង់ទី២ ដោយ Dominic Solanke ២គ្រាប់ (នាទី៦៦, ៨៨) និង Kieran Dowell ១គ្រាប់ (នាទី ៧៧)។

ចំណែកមួយក្រុមទៀត ដែលបានឡើងផ្ដាច់ព្រ័ត្រជាមួយអង់គ្លេស គឺក្រុម U-20 វេណេហ្ស៊ុយអេឡា។ ក្រុមនេះ បានយកឈ្នះក្រុម U-20 អ៊ុយរុយហ្គាយ ដោយបាល់ប៉េណាល់ទីកាត់សេចក្ដី ៤-៣ ក្រោយស្មើគ្នា ១-១។

ការប្រកួតផ្ដាច់ព្រ័ត្រ នឹងធ្វើឡើងនៅថ្ងៃអាទិត្យ ទី១១ មិថុនា ឆ្នាំ២០១៧ នៅកីឡដ្ឋាន Suwon World Cup Stadium វេលាម៉ោង ៥ល្ងាច៕