អតីតគ្រូបង្វឹកក្រុមជម្រើសជាតិថៃ ដឹកនាំ Buriram United ?

2017-06-14 07:21:58
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក Kiatisuk Senamuang ត្រូវបានអ្នកគាំទ្រថៃ គាំទ្រលោកដើម្បីដឹកនាំក្រុម Buriram United បន្ទាប់ពីលោក Ranko Popovic សញ្ជាតិស៊ែប បានលាឈប់ពីតំណែងគ្រូបង្វឹក។

លោក Kiatisuk Senamuang

លោក Popovic ត្រូវសហព័ន្ធកីឡាបាល់ទាត់ថៃ (FAT) ព្យួររយៈពេល ៣ខែ និងពិន័យជាប្រាក់ចំនួន ៤ម៉ឺនបាត (ជាង ១ពាន់ដុល្លារ) ក្រោយពីបង្កហិង្សាលើគ្រូពេទ្យម្នាក់របស់ក្រុម Bangkok United ក្នុងការប្រកួតលីគកំពូលថៃ កាលពីថ្ងៃទី៣ ខែមិថុនា ឆ្នាំ២០១៧។

គ្រូបង្វឹកសញ្ជាតិស៊ែបរូបនេះ បានបដិសេធថា ខ្លួនមិនបានប្រព្រឹត្តខុសទេ ហើយបង្ហាញការអាក់អន់ស្រពន់ចិត្ត ចំពោះការសម្រេចរបស់ FAT ។ ដូច្នេះ លោកក៏សម្រេចចិត្តចែកផ្លូវពីក្រុម Buriram ។

លោក Ranko Popovic

ក្រុមដែលមានរហស្សនាមថា ប្រាសាទផ្គររន្ទះ កំពុងស្វែងរកគ្រូបង្វឹកថ្មីមួយរូប មុនការចាប់ផ្ដើមជុំទី២ នៃលីគកំពូលថៃ នាថ្ងៃចុងសប្ដាហ៍នេះ។ ទន្ទឹមនេះ អ្នកគាំទ្រជាច្រើន ចង់ឃើញអតីតគ្រូបង្វឹកក្រុមជម្រើសជាតិថៃ លោក Kiatisak Senamuang ឡើងកាន់តំណែងដែលកំពុងទំនេរមួយនេះ។

សូមបញ្ជាក់ថា លោក Kiatisak ដែលបានលាឈប់ពីការដឹកនាំក្រុមជម្រើសជាតិថៃ កំពុងបន្តការសិក្សាយកអាជ្ញាប័ណ្ណគ្រូបង្វឹកកម្រិតខ្ពស់ នៅប្រទេសកូរ៉េខាងត្បូង៕

ប្រភព៖ Football Tribe ប្រែសម្រួល៖ លាភ.