ចិន រឹតបណ្ដឹងច្បាប់ស្ដីពីប្រាក់ឈ្នួលកីឡាករ

2017-06-16 09:46:33
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សហព័ន្ធកីឡាបាល់ទាត់ចិន (CFA) កំពុងរៀបចំក្នុងការដាក់ចេញច្បាប់រឹតបណ្ដឹងលើការចំណាយលើប្រាក់ឈ្នួលកីឡាករ នៅក្នុងក្របខ័ណ្ឌ Chinese Super League និង China League One ។

សមាគមបាល់ទាត់ចិន បានផ្ញើលិខិតមួយទៅកាន់ក្លឹបចំនួន៣២ ដែលកំពុងប្រកួតប្រជែងក្នុងលីគលំដាប់កំពូលទាំងពីរកម្រិត ដើម្បីស្នើសុំមតិយោបល់ លើបញ្ហាកំណត់គោលដៅត្រឹមរយៈពេលខ្លី និងបញ្ហាចំណាយលើសលប់លើការទិញកីឡាករ។

Oscar ផ្ទេរពី Chelsea ទៅកាន់ក្លឹបចិន Shanghai SIPG ក្នុងតម្លៃ ៦០លានផោន

លិខិតដដែល បានបញ្ជាក់ថា ក្លឹបដែលកំពុងជាប់បំណុល អាចប្រឈមមុខនឹងការពិន័យជាប្រាក់ ប្រសិនបើពួកគេចំណាយចំនួន ៥,៩ លានអឺរ៉ូ (ជាង ៦,៥លានដុល្លារអាមេរិក) ឬ ច្រើនជាងនេះ សម្រាប់ការទិញយកកីឡាករបរទេស ហើយពិន័យដូចគ្នាសម្រាប់ការទិញកីឡាករក្នុងស្រុក ក្នុងតម្លៃលើសពី ២,៦ លានអឺរ៉ូ។

ការហ៊ានចំណាយដ៏ច្រើនសន្ធឹកសន្ធាប់លើកីឡាករបរទេសរបស់ក្លឹបក្នុងប្រទេសចិន បានទាក់ទាញពិភពលោកឲ្យងាកមកចាប់អារម្មណ៍លើបាល់ទាត់នៅប្រទេសនេះ និងបង្កឲ្យមានការព្រួយបារម្ភចំពោះភាពមិនស្មើគ្នាក្នុងការផ្ដល់ឱកាសសម្រាប់កីឡាករបរទេស បានបង្ហាញខ្លួនក្នុងការប្រកួតច្រើនជាងកីឡាករក្នុងស្រុក។

ប្រភព៖ Football Tribe ប្រែសម្រួល៖ លាភ.