ដឹងអត់ថាអាសនៈព្រឹទ្ធសភា គេបែងចែកយ៉ាងដូចម្ដេច?

2017-06-20 04:48:27
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អាសនៈព្រឹទ្ធសភា ត្រូវបានបែងចែកតាមភូមិភាគចំនួន ៨ មិនមែនបែងចែកដាច់ដោយឡែកតាមរាជធានី-ខេត្តទាំង ២៥ ដូចអាសនៈរដ្ឋសភានោះទេ។ សេចក្ដីស្នើច្បាប់ស្ដីពីការបោះឆ្នោតព្រឹទ្ធសភាថ្មី ដែលត្រូវបានរដ្ឋសភាអនុម័តនាព្រឹកថ្ងៃទី២០ ខែមិថុនានេះ បានបន្ថែមចំនួនអាសនៈព្រឹទ្ធសភា ពី ៦១ ទៅ ៦២រូប ដែលក្នុងនោះ ៥៨រូប កើតចេញពីការបោះឆ្នោតអសកល ២រូបតែងតាំងដោយព្រះមហាក្សត្រ និង២រូប ជ្រើសតាំងដោយរដ្ឋសភា។

អាសនៈព្រឹទ្ធសភា ៥៨ នៅតាមភូមិភាគនីមួយៗ មានដូចខាងក្រោម

១. ភូមិភាគទី១៖ រាជធានីភ្នំពេញ មាន ៦ អាសនៈ

២. ភូមិភាគទី២៖ ខេត្តកំពង់ចាម និងខេត្តត្បូងឃ្មុំ មាន ៨ អាសនៈ

៣. ភូមិភាគទី៣៖ ខេត្តកណ្តាល មាន ៥ អាសនៈ

៤. ភូមិភាគទី៤៖ ខេត្តបាត់ដំបង ខេត្តបន្ទាយមានជ័យ ខេត្តសៀមរាប ខេត្តឧត្តរមានជ័យ និងខេត្តប៉ៃលិន មាន ១០ អាសនៈ

៥. ភូមិភាគទី៥៖ ខេត្តតាកែវ ខេត្តកំពត និងខេត្តកែប ចំនួន ៧ អាសនៈ

៦. ភូមិភាគទី៦៖ ខេត្តព្រៃវែង និងខេត្តស្វាយរៀង មាន ៧ អាសនៈ

៧. ភូមិភាគទី៧៖ ខេត្តកំពង់ស្ពឺ ខេត្តកំពង់ឆ្នាំង ខេត្តពោធិ៍សាត់ ខេត្តកោះកុង និងខេត្តព្រះសីហនុ មាន ៩ អាសនៈ

៨. ភូមិភាគទី៨៖ ខេត្តកំពង់ធំ ខេត្តព្រះវិហារ ខេត្តក្រចេះ ខេត្តស្ទឹងត្រែង ខេត្តរតនៈគិរី និងខេត្តមណ្ឌលគិរី មាន ៦ អាសនៈ

ការបោះឆ្នោតព្រឹទ្ធសភា នឹងធ្វើឡើងនៅដើមឆ្នាំក្រោយ (២០១៨)។ អ្នកដែលមានសិទ្ធិបោះឆ្នោត គឺសមាជិកក្រុមប្រឹក្សាឃុំសង្កាត់ និងតំណាងរាស្រ្ដក្នុងតំណែង៕