អតីតសមាជិកក្រុមជើងឯក Euro U21 ចូលរួមក្រុម Bangkok United
- 2017-06-21 08:46:45
- ចំនួនមតិ 0 | ចំនួនចែករំលែក 0
អតីតសមាជិកក្រុមជើងឯក Euro U21 ចូលរួមក្រុម Bangkok United
ចន្លោះមិនឃើញ
ក្រុម Bangkok United នៃលីគកំពូលថៃ បានប្រកាសពីការចុះកុងត្រានាំយកខ្សែបម្រើស្លាបសញ្ជាតិអាល្លឺម៉ង់ Chinedu Ede ជាផ្លូវការពីក្រុម FC Twente នៅលីគកំពូលហុល្លង់។ Chine Ede នឹងពាក់អាវលេខ ១៧ នៅ Bangkok United ។
ចាប់កំណើត និងធំធាត់នៅក្នុងគ្រួសារដែលមានម្ដាយសញ្ជាតិអាល្លឺម៉ង់ និងឪពុកជនជាតិនីហ្សេរីយ៉ា Ede បានបង្ហាញខ្លួនឲ្យក្រុម U19, U20 និង U21 អាល្លឺម៉ង់ជាបន្តបន្ទាប់។ កាលពីឆ្នាំ២០០៩ រូបគេត្រូវបានកោះហៅចូលក្រុម U21 អាល្លឺម៉ង់ និងបានរួមចំណែកជួយក្រុមឲ្យក្លាយជាម្ចាស់ជើងឯក UEFA Euro U21 ជាមួយតារាបាល់ទាត់ល្បីៗដូចជា Manuel Neuer, Mesut Ozil, Jerome Boateng និង Mats Hummels ជាដើម។
នៅក្លឹបដែលខ្លួនប្រកបអាជីពវិញ កីឡាករដែលបច្ចុប្បន្នមានវ័យ ៣០ឆ្នាំរូបនេះ បានបង្ហាញខ្លួនក្នុងក្រុមយុវជនថ្នាលរបស់ Hertha Berlin កាលពីឆ្នាំ២០១៥ និងត្រូវដំឡើងតំណែងមកលេងជាមួយក្រុមឈុតធំ នៅឆ្នាំបន្ទាប់។
Ede ចូលរួមជាមួយក្រុម FC Twente កាលពីឆ្នាំ២០១៦ ហើយរកគ្រាប់បាល់បាន ៦គ្រាប់ ក្នុងការបង្ហាញខ្លួន ៤៨ប្រកួត៕
© រក្សាសិទ្ធិគ្រប់យ៉ាងដោយ Sabay ឆ្នាំ២០១៦
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
