គ្រូ U17 កម្ពុជា ប្រាប់ចំណុចវិជ្ជមាន និងអវិជ្ជមានរបស់កូនក្រុម

2017-06-21 14:05:14
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោកគ្រូបង្វឹក Inoue Kasunori បានទម្លាយពីចំណុចនៃការវិវឌ្ឍ និងចំណុចខ្សោយរបស់ក្រុម U17 កម្ពុជា បន្ទាប់ពីចាញ់ក្រុម U17 វៀតណាម ក្នុងលទ្ធផល ០-៤ សម្រាប់ការប្រកួតមិត្តភាពអន្តរជាតិ នៅល្ងាចថ្ងៃទី២១ ខែមិថុនា ឆ្នាំ២០១៧ នេះ។

គ្រូបង្វឹកសញ្ជាតិជប៉ុនរូបនេះ បានឲ្យដឹងក្នុងសន្និសីទសារព័ត៌មានក្រោយចប់ការប្រកួតថា បើប្រៀបធៀបនឹងកាលពីឆ្នាំមុន ពោលគឺនៅពេលដែលកូនក្រុមរបស់លោកនៅជាក្រុមយុវជន U16 មកទល់ពេលនេះពួកគេមានការអភិវឌ្ឍច្រើន។ ជាក់ស្ដែង ក្នុងការប្រកួតដែលបានបញ្ចប់មុននេះ ទោះបីជាចាញ់ច្រើនគ្រាប់ ប៉ុន្តែកូនក្រុមរបស់លោកធ្វើបានល្អជាងឆ្នាំមុន ដោយនៅក្នុងតង់ទីមួយ អាចបង្កើតឱកាសបានច្រើន ដើម្បីស៊ុតចំគោលដៅ។

ផ្ទុយទៅវិញ លោកក៏បានកត់សម្គាល់ឃើញចំណុចខ្វះខាតរបស់ពួកគេ គឺការបញ្ចប់ទីនៅពេលមានឱកាស។ លោកបន្តថា ចំណុចនេះជាអ្វីដែលកម្ពុជាត្រូវតែពង្រឹង។ សម្រាប់លទ្ធផលដែលវៀតណាមអាចស៊ុតបញ្ចូលទីបានរហូត ៤គ្រាប់ ព្រោះពួកគេចេះបញ្ចប់ទីបានល្អជាងក្រុមកម្ពុជា៕

អត្ថបទ៖ លាភ.