Ronaldo តែតមួយក្បាលយកគ្រាប់ទី៧៤ ជួយព័រទុយហ្គាល់ឈ្នះរុស្ស៊ី

2017-06-22 01:24:28
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្នុងការបង្ហាញខ្លួនជាមួយក្រុមបាល់ទាត់ជម្រើសជាតិព័រទុយហ្គាល់ជាលើកទី១៤១ ខ្សែប្រយុទ្ធ Cristiano Ronaldo រកបានមួយគ្រាប់ និងជាគ្រាប់ជ័យជម្នះទៅលើក្រុមម្ចាស់ផ្ទះរុស្ស៊ី សម្រាប់ការប្រកួតទីពីរ វគ្គចែកពូល ព្រឹត្តិការណ៍ FIFA Confederations Cup 2017 កាលពីយប់មិញ។

ខ្សែប្រយុទ្ធរបស់ក្លឹប Real Madrid រូបនេះ បានតែតមួយក្បាលបញ្ចូលទីតាំងពីនាទីទី៨ ជួយឲ្យព័រទុយហ្គាល់ ឈ្នះលើរុស្ស៊ីយ៉ាងប្រផុតប្រផើយក្នុងលទ្ធផល ១-០ ។ គ្រាប់បាល់នេះ មានន័យថា Ronaldo ស៊ុតបាន ៧៤គ្រាប់ហើយសម្រាប់ក្រុមជម្រើសជាតិ និងជាគ្រាប់ទី១៣ របស់គេ ក្នុងការបង្ហាញខ្លួនចំនួន ៨លើកចុងក្រោយ។

ឆ្លងកាត់ពីរប្រកួតកន្លងទៅ ព័រទុយហ្គាល់ បានឡើងឈរលេខ២ បណ្ដោះអាសន្នក្នុងពូល A ដោយមានចំនួន ៤ពិន្ទុ ស្មើម៉ិកស៊ីកូ ដែលមាន ៤ពិន្ទុដូចគ្នា បន្ទាប់ពីយកឈ្នះក្រុមនូវែលហ្សេឡង់ ក្នុងលទ្ធផល ២-១ យប់មិញ។ ចំណែក រុស្ស៊ីបន្ទាប់ពីទទួលបាន ៣ពិន្ទុកាលពីប្រកួតទីមួយ បានធ្លាក់ទៅលេខ៣ លើក្រុមនូវែលហ្សេឡង់ ដែលមាន ០ពិន្ទុ ស្ថិតនៅបាតតារាង៕

ប្រភព៖ ESPN FC ប្រែសម្រួល៖ លាភ.