Snapchat ទិញយកកម្មវិធីផែនទីមួយជាង ៣០០លានដុល្លារ

2017-06-22 02:19:25
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

មុខងារថ្មីរបស់ Snapchat ដែលមានគេស្គាល់ថា Snap Map ត្រូវបង្កើតឡើងបន្ទាប់ពីកម្មវិធី Zenly ត្រូវបានទិញក្នុងតម្លៃចន្លោះពី ២៥០ ទៅ ៣៥០ លានដុល្លារ កាលពីខែឧសភា ឆ្នាំ២០១៧ កន្លងទៅ។ Zenly នឹងដំណើរការធម្មតា និងឯករាជ្យ ដូចទៅនឹងការដាក់ឲ្យបន្តដំណើរការកម្មវិធី Instagram ជាធម្មតាក្រោយពី Facebook ទិញយកផងដែរ។

Zenly អាចឲ្យអ្នកប្រើប្រាស់ដឹងពីទីតាំងដែល Friend របស់ពួកគេកំពុងស្ថិតនៅ តាមរយៈផែនទី GPS ។ ដូច្នេះពួកគេអាចទំនាក់ទំនងគ្នាតាមរយៈកម្មវិធីនេះ ដើម្បីរៀបចំគម្រោងចេញទៅក្រៅកម្សាន្តបាន។ កម្មវិធីដែលទើបតែចាប់ផ្ដើមដំណើរការនេះ មានអ្នកទាញយកត្រឹមតែ ៤លានដងប៉ុណ្ណោះ។ អ្នកទាញយក ២៨ភាគរយ មានប្រភពនៅប្រទេសបារាំង ដែលជាទីតាំងរបស់ក្រុមអ្នកបង្កើត Zenly និង ជាង ២០ភាគរយទៀត មានប្រភពនៅប្រទេសកូរ៉េខាងត្បូង និងជប៉ុន៕

ប្រភព៖ Techcrunch ប្រែសម្រួល៖ លាភ.