Messi Jay ប្ដេជ្ញាជួយក្រុមថ្មីរបស់ខ្លួនពីតំបន់កាត់ចេញ

2017-06-22 03:21:42
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

តារាងបាល់ទាត់ឆ្នើមរបស់ថៃ Chanathip Songkrasin ឬរហស្សនាម Messi Jay បានទៅដល់ប្រទេសជប៉ុន កាលពីថ្ងៃអង្គារ ទី២០ ខែមិថុនា ឆ្នាំ២០១៧ ដើម្បីចូលរួមជាមួយក្លឹប Consadole Sapporo នៃលីគកំពូលជប៉ុន។

Chanathip Songkrasin ទៅដល់ព្រលានយន្តហោះ Sapporo ប្រទេសជប៉ុន

កីឡាករឆ្នើមរបស់តំបន់អាស៊ីអាគ្នេយ៍រូបនេះ គឺជាកីឡាករទីមួយដែលមានឱកាសចូលរួមក្នុងលីគកំពូលជប៉ុន ឬ J1 League ។ ឆ្លើយតបនឹងសំណួររបស់អ្នកសារព័ត៌មាន ក្រោយទៅដល់ជប៉ុន ខ្សែបម្រើកណ្ដាលវ័យ ២៣ឆ្នាំរូបនេះ បាននិយាយថា៖ «ខ្ញុំចង់ជួយពួកគេ (Consadole Saporo) ឲ្យនៅ (លីគកំពូល) បន្តទៀត» ។

ក្រុម Consadole កំពុងប្រកួតប្រជែងដើម្បីគេចពីតំបន់ត្រូវកាត់ចោល។ បច្ចុប្បន្នក្រុមនេះ ស្ថិតនៅលេខរៀង១៥ ក្នុងចំណោមក្រុមទាំង ១៨ ហើយលើសតំបន់កាត់ចោលត្រឹមតែ ១ពិន្ទុប៉ុណ្ណោះ។

Chanathip កំពុងមានរបួសជើងស្ដាំ ហើយត្រូវហ្វឹកហាត់តែម្នាក់ឯង មិនទាន់អាចចូលរួមហ្វឹកហាត់ជាមួយមិត្តរួមក្រុមថ្មីរបស់គេបាននោះទេ៕

ប្រភព៖ Fox Sports Asia ប្រែសម្រួល៖ លាភ.