អាជ្ញាធរបោះឆ្នោតរាជធានី ទទួលស្គាល់ថា ការបោះឆ្នោតឃុំ-សង្កាត់ មានចន្លោះប្រហោង

2017-06-22 03:46:28
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក មាស ឆ្វពណ្ណ ប្រធានគណៈកម្មការរៀបចំការបោះឆ្នោតរាជធានី បញ្ជាក់ថា ការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៤នេះ នៅមានចន្លោះប្រហោងខ្លះ និងស្នើសុំឱ្យមានការផ្តល់អនុសាសន៍ពីគ្រប់ភាគី។ លោកលើកឡើងដូច្នេះ ក្នុងសន្និបាតបូកសរុបការងារបោះឆ្នោតឃុំ-សង្កាត់ នៅព្រឹកថ្ងៃទី២២មិថុនា នៅសាលារាជធានីភ្នំពេញ។

លោក មាស ឆ្វពណ្ណ

លោកបានស្នើដល់គណបក្សនយោបាយ អង្គការសង្គមស៊ីវិល ផ្តល់យោបល់លើបញ្ហា ការចុះឈ្មោះបោះឆ្នោត ការពិនិត្យបញ្ជីឈ្មោះ ការឃោសនាបោះឆ្នោត ការរាប់សន្លឹកឆ្នោត ការទទួល និងការដោះស្រាយបណ្តឹង ការងារសន្តិសុខ និងស្ថានភាពមន្ត្រីបោះឆ្នោតគ្រប់លំដាប់។ មតិយោបល់ទាំងនេះ គឺជាសារៈសំខាន់សម្រាប់គណៈកម្មការរៀបចំការបោះឆ្នោតរាជធានីភ្នំពេញ ដើម្បីជាមូលដ្ឋានបន្ថែមទៀត ក្នុងការពង្រឹងការអនុវត្តលើការងាររៀបចំដំណើរការបោះឆ្នោតនាពេលខាងមុខ ឱ្យមានលក្ខណៈសុក្រឹត និងល្អប្រសើរឡើង ។

លោក មាស ឆ្វពណ្ណ អះអាងថា ទោះបីជាអាជ្ញាធរបោះឆ្នោត បានខិតខំប្រឹងប្រែងធ្វើឱ្យល្អលើសពីនេះទៀតក៏ដោយ ក៏គណបក្សនយោបាយខ្លះ និងអង្គការមិនមែនរដ្ឋាភិបាលមួយចំនួន នៅតែប្រកាន់ជំហរដោយមិនព្រមទទួលស្គាល់នូវកិច្ចខិតខំប្រឹងប្រែងរបស់អាជ្ញាធរបោះឆ្នោតឡើយ៕

អត្ថបទ៖ សំភី