យុវជនខ្មែរ-អាមេរិកម្នាក់ ចង់ចូលក្រុមជម្រើសជាតិ បង្កើតមោទនភាពសម្រាប់គ្រួសារ

2017-06-22 03:51:58
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

យុវជន យន់ យូរ៉ុង ដែលមានបំណងចង់ក្លាយជាកីឡាករបាល់ទាត់ជម្រើសជាតិកម្ពុជា បានចាក់ដោតបេះដូងអ្នកស្រីដែលត្រូវជាម្ដាយឈ្មោះ សូ សុភាព ។ អ្នកស្រី បាននិយាយថា ខ្លួនមានមោទនភាព ដ្បិតកូនប្រុសអ្នកស្រីធំធាត់លើទឹកដីអាមេរិកក៏ពិតមែន តែផ្នត់គំនិតរបស់គេ គឺជាតិនិយមដូចដូនតារបស់ខ្លួន។

អ្នកស្រី សូ សុភាព និងកូនប្រុស យន់ យូរ៉ុង

កីឡាករ យន់ យូរ៉ុង បានធ្វើដំណើរពីទឹកដីអាមេរិក មកធ្វើតេស្តសាកល្បងសមត្ថភាពក្នុងក្រុមបាល់ទាត់ជម្រើសជាតិអាយុក្រោម១៥ឆ្នាំកម្ពុជា រយៈពេល ១សប្ដាហ៍មកហើយ។

យោងតាមអ្នកស្រី សូ សុភាព បានឲ្យដឹងថា កូនប្រុសរបស់ខ្លួន ស្រឡាញ់កីឡាបាល់ទាត់ ហើយចង់ជួយក្រុមជម្រើសជាតិកម្ពុជា ដើម្បីឲ្យកីឡាមួយនេះឈានទៅមុខ។ អ្នកស្រីបានបន្តថា គ្រួសាររបស់អ្នកស្រីបានគាំទ្រពេញទំហឹងចំពោះឆន្ទៈរបស់កូនប្រុស ហើយអ្នកស្រីក៏មិនអាក់អន់ចិត្តដែរ ប្រសិនបើកូនប្រុសធ្វើតេស្តមិនជាប់ក្នុងបញ្ជីទៅប្រកួតក្នុងព្រឹត្តិការណ៍ AFF U15 Championship នៅប្រទេសថៃ នាខែកក្កដា ខាងមុខនេះ៕

ប្រភព៖ កីឡាដេលី ប្រែសម្រួល៖ លាភ.