តុលាការសម្រេចបន្តសំណុំរឿងនៃការប្តឹងលោក ខឹម វាសនា

2017-06-23 12:37:43
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រោយស្តាប់ការបំភ្លឺរបស់ លោក សុច សឿង ដែលជាដើមបណ្តឹងក្នុងការប្តឹងលោក ខឹម វាសនា ពីបទជេរប្រមាថជាតិសាសន៍ខ្មែរជាសាធារណៈនៅព្រឹកថ្ងៃទី២៣មិថុនានោះ តុលាការបានសម្រេចបន្តនីតិវិធីលើសំណុំរឿងនេះជាបន្តទៀត។

លោក លី សុផាណា អ្នកនាំពាក្យសាលាដំបូងរាជធានីភ្នំពេញ បានបញ្ជាក់នៅល្ងាចថ្ងៃសុក្រនេះថា អយ្យការអមសាលាដំបូងរាជធានីភ្នំពេញ សម្រេចបន្តចំណាត់ការនេះតាមនីតិវិធី ប៉ុន្តែតុលាការនៅមិនទាន់កំណត់ពេលវេលាកោះហៅ លោក ខឹម វាសនា ដែលជាប្រធានគណបក្សសម្ព័ន្ធដើម្បីប្រជាធិបតេយ្យនោះនៅឡើយទេ។

លោក សុច សឿង (រូបខាងឆ្វេង) និងលោក ខឹម វាសនា (រូបខាងស្តាំ)

លោក ចិន ថុន អគ្គលេខាធិការគណបក្សសម្ព័ន្ធដើម្បីប្រជាធិបតេយ្យ ធ្លាប់បាននិយាយថា សម្រាប់ជំហររបស់គណបក្ស គឺឱ្យគេប្តឹងមុន ហើយគណបក្សដើរតាមក្រោយស្ថានភាពជាក់ស្តែង។

សូមបញ្ជាក់ថា លោក សុច សឿង អាយុ ៥៥ឆ្នាំ បានដាក់ពាក្យបណ្តឹងនោះទៅអយ្យការអមសាលាដំបូងរាជធានីភ្នំពេញ កាលពីថ្ងៃទី១២មិថុនា៕

ប្រភព៖ Vayo Fm ប្រែសម្រួល៖ សំភី