អាជ្ញាធរក្រុងសៀមរាប បង្ហាញពីបញ្ហាប្រឈម១ ដែលប៉ះពាល់ដល់សោភណ្ឌភាពក្រុង

2017-06-23 13:33:42
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក សូ ប្លាតុង អភិបាលក្រុងសៀមរាប អះអាងថា សំរាមគឺនៅតែជាបញ្ហាប្រឈមធ្វើឱ្យប៉ះពាល់ដល់សោភណ្ឌភាពក្រុងទេសចរណ៍១នេះ។ លោកលើកឡើងដូច្នេះ នៅព្រឹកថ្ងៃទី២៣មិថុនា ក្នុងឱកាសប្រារព្ធទិវាបរិស្ថានជាតិ និងបរិស្ថានពិភពលោកថ្ងៃទី៥មិថុនា ២០១៧។

លោក សូ ប្លាតុង (រូបកណ្តាល) ក្នុងទិវាបរិស្ថានជាតិ និងបរិស្ថានពិភពលោក ព្រឹកថ្ងៃទី២៣មិថុនា

លោកបញ្ជាក់ថា កន្លងមកនេះ អាជ្ញាធរខេត្ត ក្រុង បានខិតខំធ្វើយុទ្ធនាការសម្អាតបរិស្ថាន និងផ្សព្វផ្សាយអប់រំឱ្យប្រជាពលរដ្ឋ មានការយល់ដឹងពីបញ្ហាសំរាម និងឱ្យមានការចូលរួម សម្អាតឱ្យបានជាប្រចំា ប៉ុន្តែរហូតមកដល់ពេលនេះ ការចូលរួមរបស់ប្រជាពលរដ្ឋនៅ មានកម្រិតនៅឡើយ។ ប្រជាពលរដ្ឋមួយចំនួននៅតែបោះចោល សំរាមតាមទីសាធារណៈ ពាសវាលពាសកាល ដោយមិនបានវេចខ្ចប់ឱ្យបានត្រឹមត្រូវ យកទៅដាក់ក្នុងធុងសំរាមតាម ការណែនំារបស់អាជ្ញាធរនោះទេ។

របាយការណ៍របស់មន្ទីរបរិស្ថានខេត្តសៀមរាបបានឱ្យដឹងថា នៅក្នុងក្រុងសៀមរាប ក្នុង១ថ្ងៃ មានសំរាមប្រមាណពី ៣០០ ទៅ ៣៥០តោន ហើយសំរាមទំាងនេះ ក្រុមហ៊ុនប្រមូលសំរាម បានប្រមូលនិងដឹកជញ្ជូនចេញបាន តែ៦០ ទៅ៧០% ប៉ុណ្ណោះ។ ចំណែកសំរាមដែលនៅសល់ ត្រូវប្រជាពលរដ្ឋយកទៅដុតកប់បោះចោល នៅតាមដងផ្លូវក្នុងប្រឡាយទឹក ដែលកំពុងតែធ្វើឱ្យមានហានិភ័យដល់បរិស្ថាន សុខភាព និងការរស់នៅរបស់ប្រជាពលរដ្ឋ៕

ប្រភព៖ AKP ប្រែសម្រួល៖ សំភី