ថៃជាប់ក្នុងចំណោមប្រទេសដែលមានមេរោគអ៊ីនធឺណិតច្រើនជាងគេនៅអាស៊ី

2017-06-24 06:26:08
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

Microsoft បានរកឃើញថា ប្រទេសថៃគឺជាប្រទេសមួយក្នុងចំណោមប្រទេសទាំង១០ នៅអាស៊ី ដែលប្រឈមនឹងការវាយប្រហារដោយមេរោគតាមប្រព័ន្ធអ៊ីនធឺណិតច្រើនជាងគេ។

លោក Keshav Dhakad ជំនួយការខាងផ្ដល់យោបល់ និងជានាយកអង្គភាពប្រឆាំងឧក្រិដ្ឋកម្មឌីជីថលរបស់ Microsoft ប្រចាំអាស៊ី បានឲ្យដឹងថា ថៃស្ថិតនៅចំណាត់ថ្នាក់បន្ទាប់ពីបង់ក្លាដេស ឥណ្ឌូណេស៊ី និងវៀតណាម ជាប្រទេសត្រូវបានគំរាមកំហែងដោយមេរោគអ៊ីនធឺណិតច្រើនជាងគេ។ ដោយឡែក ហុងកុង ជប៉ុន និងសិង្ហបុរី ប្រឈមនឹងហានិភ័យនេះតិចតួចជាងគេក្នុងតំបន់។

យោងតាមការសិក្សាមួយរបស់សកលវិទ្យាល័យជាតិសិង្ហបុរី បានវិភាគឃើញថា កុំព្យូទ័រថ្មីៗប្រហែល ៩០ភាគរយនៅប្រទេសថៃ និង ៧ប្រទេសផ្សេងទៀតនៅអាស៊ី កំពុងប្រើប្រាស់ Software ប្រភេទ Pirate ដែលជាហេតុធ្វើឲ្យមេរោគងាយឆ្លង។

ឧក្រិដ្ឋកម្មលើប្រព័ន្ធអ៊ីនធឺណិតរបស់ Hacker អាចនាំឲ្យបាត់បង់ចំនួន ៦ពាន់លានដុល្លារ សម្រាប់សេដ្ឋកិច្ចពិភពលោក នៅមុនឆ្នាំ២០២១៕

ប្រភព៖ Bangkokpost ប្រែសម្រួល៖ លាភ.