Confed Cup៖ អាល្លឺម៉ង់ និងស៊ីលី ឡើងវគ្គពាក់កណ្ដាលផ្តាច់ព្រ័ត្រ

2017-06-26 01:45:20
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមបាល់ទាត់ជម្រើសជាតិស៊ីលី បានឡើងទៅកាន់វគ្គពាក់កណ្ដាលផ្តាច់ព្រ័ត្រ តាមពីក្រោយក្រុមអាល្លឺម៉ង់ ក្នុងពូល B ព្រឹត្តិការណ៍ FIFA Confederations Cup 2017 បន្ទាប់ពីប្រកួតបញ្ចប់កាលពីយប់មិញ។

ក្រុមស៊ីលី

ក្រុមអាល្លឺម៉ង់

សម្រាប់ការប្រកួតចុងក្រោយ ក្នុងពូល B នេះ ក្រុមស៊ីលី បានស្មើជាមួយក្រុមអូស្ត្រាលី ក្នុងលទ្ធផល ១-១ ។ អូស្ត្រាលី រកគ្រាប់បាល់បើកឆាក ក្នុងនាទី៤២ ដោយខ្សែបម្រើកណ្ដាល James Troisi ។ ចំណែក ស៊ីលី ធ្វើបានសម្រេចគ្រាប់តាមស្មើ នៅនាទី ដោយខ្សែបម្រើកណ្ដាល Martin Rodriguez នៅនាទី៦៧។

ដោយឡែក ក្រុមអាល្លឺម៉ង់ បានលត់ក្រុម កាមេរ៉ូន ក្នុងលទ្ធផល ៣-១ ។ អាល្លឺម៉ង់ រកគ្រាប់បាល់ពីកីឡាករ Kerem Demirbay នៅនាទី៤៨, Timo Werner នាទី៦៦ និង ៨១។ ចំណែក កីឡាករ Vincent Aboubakar ធ្វើបានសម្រេចតែមួយគ្រាប់គត់សម្រាប់កាមេរ៉ូន នៅនាទី៧៨។

៣ប្រកួតកន្លងទៅ អាល្លឺម៉ង់ មាន ៧ពិន្ទុ ឈរលេខ១ ខណៈស៊ីលី ស្ថិតនៅលេខ២ មាន ៥ពិន្ទុ។ រីឯក្រុមធ្លាក់មាន អូស្ត្រាលី (២ពិន្ទុ) និង កាមេរ៉ូន (១ពិន្ទុ)៕