ក្រុមដែលធ្វើឲ្យ Messi ទឹកភ្នែក ឡើងប៉ះក្រុមដែលមាន Ronaldo

2017-06-26 02:28:06
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមបាល់ទាត់ជម្រើសជាតិស៊ីលី បានឡើងទៅវគ្គពាក់កណ្ដាលផ្តាច់ព្រ័ត្រ ព្រឹត្តិការណ៍ FIFA Confederations Cup 2017 ដោយត្រូវជួបក្រុមជើងឯក EURO 2016 ព័រទុយហ្គាល់ វេលាម៉ោង ១រំលងអាធ្រាត្រ ឈានចូលថ្ងៃទី២៩ ខែមិថុនា ឆ្នាំ២០១៧ ។

ជើងឯកទ្វីបអាមេរិកខាងត្បូង ស៊ីលី ដែលជាក្រុមលេខ២ ក្នុងពូល B ត្រូវប៉ះក្រុមជើងឯកទ្វីបអឺរ៉ុប ព័រទុយហ្គាល់ ដែលមាន Cristiano Ronaldo និងដែលបានបញ្ចប់ពូល A ស្ថិតនៅចំណាត់ថ្នាក់លេខ១។

ដោយឡែក មួយគូទៀតនៅវគ្គពាក់កណ្ដាលផ្តាច់ព្រ័ត្រ គឺក្រុម អាល្លឺម៉ង់ ប៉ះ ម៉ិកស៊ីកូ នាម៉ោង ១ រំលងអាធ្រាត្រ ឈានចូលថ្ងៃទី៣០ ខែមិថុនា ឆ្នាំ២០១៧។

សូមរំឭកថា ស៊ីលី ដែលមានសមាជិកឆ្នើម Alexis Sanchez គឺជាក្រុមដែលធ្លាប់ធ្វើឲ្យតារាបាល់ទាត់ Lionel Messi សម្រក់ទឹកភ្នែក បន្ទាប់ពីពួកគេបានយកឈ្នះជម្រើសជាតិអាហ្សង់ទីន ដោយបាល់ប៉េណាល់ទី ក្នុងវគ្គផ្តាច់ព្រ័ត្រ Copa America 2016 ។ Messi ស៊ុតប៉េណាល់ទីបើកឆាកឲ្យអាហ្សង់ទីន តែស៊ុតមិនចូល ហើយក៏ជាចំណែកមួយធ្វើឲ្យស៊ីលី ឈ្នះអាហ្សង់ទីន ដោយទាត់បាល់១១ម៉ែត្រចូល ៤ ទល់នឹង ២ ៕

អត្ថបទ៖ លាភ.