មេរោគលើ Mac កើនឡើង ៧ដងក្នុងរយៈពេលមួយឆ្នាំ

2017-06-26 03:10:35
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

យោងតាមរបាយការណ៍របស់ McAfee ខែមិថុនា ឆ្នាំ២០១៧ បានបង្ហាញថា មេរោគនៅលើកុំព្យូទ័រ Mac នៅតែបន្តកើនឡើងគួរឲ្យកត់សម្គាល់។ គិតត្រឹមត្រីមាសទី១ ឆ្នាំ២០១៦ មកទល់ត្រីមាសទី១ ឆ្នាំ២០១៧ មេរោគទាំងនេះបានបន្តកើនចំនួនជាង ៧ដង។

គិតត្រឹម ៣ខែដំបូងកាលពីឆ្នាំមុន មេរោគលើ Mac មានចំនួនត្រឹមតែ ១០ម៉ឺនមេរោគប៉ុណ្ណោះ។ ប៉ុន្តែត្រឹមរយៈពេលមួយឆ្នាំ ចំនួនមេរោគបានហក់ដល់ជាង ៧០ម៉ឺនមេរោគ។

ដើមឡើយ អ្នកប្រើប្រាស់ជាច្រើនយល់ថា ការប្រើប្រាស់ប្រព័ន្ធប្រតិបត្តិការរបស់ Mac គឺមានសុវត្ថិភាពពីមេរោគ ជាងប្រព័ន្ធប្រតិបត្តិការផ្សេងៗ។ ប៉ុន្តែការពិត ពួកវាគ្រាន់តែមិនងាយរងគ្រោះដូចកុំព្យូទ័រដែលដំណើរការដោយប្រព័ន្ធប្រតិបត្តិការដទៃតែប៉ុណ្ណោះ។

ដោយឡែក បើប្រៀបធៀបជាមួយ Windows វិញ McAfee បានរកឃើញ ជាង ៧០០ លានមេរោគឯណោះ ដោយគិតត្រឹមត្រីមាសទី១ ឆ្នាំ២០១៧៕