សម្តេច ហ៊ុន សែន ស្នើឱ្យគណបក្សនយោបាយ កុំឡាំប៉ា រឿងលទ្ធផលបោះឆ្នោតទៀត

2017-06-26 08:23:16
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សម្តេចនាយករដ្ឋមន្រ្តី ហ៊ុន សែន បានស្នើឱ្យគ្រប់គណបក្សនយោបាយ ទទួលយកលទ្ធផលបោះឆ្នោត ដែល គ.ជ.ប បានប្រកាសម្សិលមិញ ហើយកុំឡាំប៉ាបន្តទៀត។ សម្តេចលើកឡើងដូច្នេះក្នុងពិធីប្រគល់វិញ្ញាបនបត្រ ដល់សិស្សសាលាភូមិន្ទរដ្ឋបាល នៅវិទ្យាស្ថានជាតិអប់រំ ព្រឹកថ្ងៃទី២៦មិថុនា។

សម្តេច ហ៊ុន សែន ថ្លែងក្នុងពិធីប្រគល់សញ្ញាបត្រនៅវិទ្យាស្ថានជាតិអប់រំ ព្រឹកថ្ងៃទី២៦មិថុនា

ប្រមុខរាជរដ្ឋាភិបាល បានប្រតិកម្មទៅនឹងគណបក្សនយោបាយ១ និងបន្ទប់ស្ថានការណ៍តាមដានការបោះឆ្នោត ដែលលើកឡើងថា ការបោះឆ្នោតនៅកម្ពុជា មិនទាន់មានសេរីភាព និងយុត្តិធម៌គ្រប់គ្រាន់នោះទេ។ សម្តេច ចាត់ទុកថា ភាពសេរីរបស់អង្គការសង្គមស៊ីវិលនោះ គឺដើរចូលផ្ទះនាយករដ្ឋមន្រ្តី ឬសម្លាប់នាយករដ្ឋមន្រ្តីនៅហ្នឹងកន្លែង ទើបហៅថាសេរីហើយ។

សម្តេច ហ៊ុន សែន បន្តថា ការឡាំប៉ាមិនចេះចប់នោះទេ ដរាបណាពួកគេដណ្តើមវិមានរាជរដ្ឋាភិបាលមិនទាន់បាននោះ។ សម្តេចបានថ្លែងប្រកាស ថ្កោលទោសគ្រប់សកម្មភាពទាំងឡាយ ដែលជ្រៀតជ្រែកចូលកិច្ចការផ្ទៃក្នុងរបស់កម្ពុជា៕

អត្ថបទ៖ សំភី