ក្រោយ​ពី​រឿង​អាស្រូវ​របស់ Galaxy Note 7 កាលពី​ឆ្នាំ​មុន Samsung បាន​ព្យាយាម​ស្ដារ​កេរ្តិ៍ឈ្មោះ​របស់​ខ្លួន​ឡើង​វិញ ដោយ​ធ្វើការ​អភិវឌ្ឍ​លក្ខណៈ​ពិសេស​ៗ​សម្រាប់ Galaxy Note 8 ដែល​ត្រូវ​បាន​រាយការណ៍​ថា នឹង​គ្រោង​ចេញ​នា​កញ្ញា ​ឆ្នាំ២០១៧ ខាងមុខ​នេះ។

ទំហំ RAM របស់ Galaxy Note 8 ទំនង​ជា​ធំ​ជាង RAM របស់ Galaxy S8 ដែល​មាន​ត្រឹមតែ 4GB ប៉ុណ្ណោះ។ Note 8 ត្រូវ​បាន​ជឿ​ថា មាន​ទំហំ RAM 6GB អម​មក​ជាមួយ​បន្ទះ​ឈីប Snapdragon 835 ដែល​មាន​ដូច S8 ដែរ និង​អេក្រង់​អាច​បង្ហាញ​រូបភាព​កម្រិត 4K ស្មើ​នឹង Sony Xperia XZ Premium ដែរ ព្រមទាំង​អាច​ស្កេន​ក្រយៅ​ដៃ​លើ​អេក្រង់​បាន។

លក្ខណៈ​សម្បត្តិ​ផ្សេងៗ ដែល​អាច​មាន​លើ Note 8 គឺ

• អេក្រង់​ប្រភេទ Super AMOLED (កោង)

• ប៊ិច S Pen

• មុខងារ Bixby

• Lens កាមេរ៉ា​ភ្លោះ

• រន្ធ USB-C, រន្ធ​ដោត​កាស​ទំហំ ៣,៥​មីល្លីម៉ែត្រ

• ប្រព័ន្ធ​ប្រតិបត្តិ​ការ Android 7.0 Nougat

• អាវ​ក្រោះ​ការពារ​ទឹក IP68

• អង្គ​ផ្ទុក​ទិន្នន័យ 64GB (អាច​បន្ថែម microSD បាន)

• មុខងារ​សាក​ថ្ម​រហ័ស និង​សាក​ដោយ​ឥត​ប្រើ​ខ្សែ៕