CNRP បង្ហាញហេតុការណ៍សំខាន់ៗ ដែលធ្វើឱ្យប៉ះពាល់ដល់ការបោះឆ្នោត

2017-06-26 12:07:35
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

នៅថ្ងៃទី២៦មិថុនានេះ គណបក្សសង្គ្រោះជាតិ បានចេញសេចក្តីថ្លែងការណ៍ ដោយបង្ហាញពីហេតុការណ៍សំខាន់ៗមួយចំនួន ដូចជា នៅមុនបោះឆ្នោត ពេលឃោសនាបោះឆ្នោត ថ្ងៃបោះឆ្នោត ការរាប់សន្លឹកឆ្នោត និងការដោះស្រាយបណ្តឹង ដែលធ្វើឱ្យប៉ះពាល់ដល់ការបោះឆ្នោត។

គណបក្សសង្គ្រោះជាតិ លើកឡើងថា មុនការបោះឆ្នោត មានការគាបសង្កត់មកលើគណបក្ស និងការរារាំងលោក សម រង្ស៊ី មិនឱ្យចូលកម្ពុជាវិញ ការវាយដំតំណាងរាស្រ្ត និងការប្រើតុលាការ ចោទប្រកាន់ និងឃុំខ្លួនតំណាងរាស្រ្ត សកម្មជន និងអ្នកវិភាគនយោបាយ។

ចំណែកនៅថ្ងៃបោះឆ្នោត គណបក្សនេះអះអាងថា ពលរដ្ឋជាង ១លាននាក់ ដែលធ្វើការនៅក្រៅប្រទេស បាត់បង់សិទ្ធិបោះឆ្នោត ដោយសារតែអាជ្ញាធរ មិនរៀបចំយន្តការក្នុងការធានាសិទ្ធិបោះឆ្នោតជូនប្រជាពលរដ្ឋ។ ឯការរាប់សន្លឹកឆ្នោត មានការិយាល័យជាច្រើនបានបិទទ្វារបង្អួច និងមានការគំរាមកំហែងភ្នាក់ងារសង្កេតការណ៍គណបក្ស នៅពេលរាប់សន្លឹកឆ្នោត។

គណបក្សសង្គ្រោះជាតិ បានស្នើឱ្យ គ.ជ.ប និងភាគីពាក់ព័ន្ធ ធ្វើការកែលម្អ នូវភាពមិនប្រក្រតី ដែលមាននៅក្នុងការបោះឆ្នោតជ្រើសរើសក្រុមប្រឹក្សាឃុំ-សង្កាត់នេះ ដើម្បីឱ្យការបោះឆ្នោតឆ្នាំ២០១៨ ប្រព្រឹត្តទៅដោយសេរី ត្រឹមត្រូវ និងយុត្តិធម៌៕

សូមអានសេចក្តីថ្លែងការណ៍របស់គណបក្សសង្គ្រោះជាតិខាងក្រោមនេះ៖