ថ្ងៃដឹកនាំដំបូងរបស់ Kiatisak Senamuang ចាញ់ទក់សាច់

2017-06-27 01:37:17
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អតីតគ្រូបង្វឹកក្រុមបាល់ទាត់ជម្រើសជាតិថៃ លោក Kiatisak Senamuang បានទទួលរងបរាជ័យ ក្នុងការដឹកនាំក្រុម Port ប្រកួតផ្លូវការជាលើកដំបូងនៅលីគកំពូលថៃ ដោយចាញ់ក្រុម Bangkok United ក្នុងលទ្ធផល ៣-០ នៅកីឡដ្ឋាន PAT Stadium កាលពីយប់ថ្ងៃអាទិត្យកន្លងទៅ។

ក្រុម Port ប៉ះ Bangkok United

លោក Kiatisak Senamuang

បុរសដែលមានរហស្សនាមថា Zico ខាងលើ ទើបតែចូលដឹកនាំក្រុម Port កាលពីថ្ងៃសុក្រសប្ដាហ៍មុន ដោយជំនួសតំណែងរបស់លោក Jadet Meelarp ដែលបានដឹកនាំក្រុមមួយនេះឈរនៅចំណាត់ថ្នាក់លេខ៨ ត្រឹមពាក់កណ្ដាលរដូវកាល។

ក្រោយបរាជ័យក្នុងនាមជាគ្រូបង្វឹកក្លឹបនៅលីគកំពូល លោក Zico បានសរសេរបង្ហោះលើបណ្ដាញសង្គមថា៖ «វាមិនមែនជារឿងងាយស្រួលនោះទេ ក្នុងនាមជាគ្រូបង្វឹកនៅលីគកំពូលថៃ... ខ្ញុំមានពេលត្រឹមតែ២ថ្ងៃប៉ុណ្ណោះ មុនការប្រកួតនេះ ហើយពួកយើងមិនទាន់ត្រៀមខ្លួនរួចរាល់សម្រាប់ផែនការនៅក្នុងការប្រកួតនៅឡើយ»។

លោកបានសន្យាជាអ្នកគាំទ្រក្រុម Port ថា លោកនឹងព្យាយាមបង្វឹកកូនក្រុមឲ្យកាន់តែមានការវិវឌ្ឍខ្លួនប្រសើរឡើង ហើយលោកពិតជារីករាយ នៅពេលឃើញការលេងពួកគេ។

សូមបញ្ជាក់ថា ក្រុម Port ទើបតែឡើងមកកាន់លីគកំពូលថៃ រដូវកាល២០១៧ នេះប៉ុណ្ណោះ។ បច្ចុប្បន្ន ពួកគេមាន ២៨ពិន្ទុ ឈរលេខ៩ ក្នុងតារាង៕

ប្រភព៖ Bangkokpost ប្រែសម្រួល៖ លាភ.