ឃឹម ឌីម៉ា សង្ឃឹមជាពីរបួសដៃទាន់ស៊ីហ្គេម

2017-06-27 07:20:33
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អ្នកលេងគុនខ្មែរ ឃីម ឌីម៉ា បានបង្ហាញក្ដីសង្ឃឹមថា របួសដៃរបស់គេនឹងជាទាន់ព្រឹត្តិការណ៍ស៊ីហ្គេម ២០១៧ នាខែសីហាខាងមុខនេះ។

ជើងខ្លាំងរហស្សនាមនាគខ្មៅ បានឲ្យដឹងថា គេបានទៅពិនិត្យដៃស្ដាំដែលបាក់នេះ កាលពីថ្ងៃចន្ទ តែពុំទាន់ដឹងច្បាស់ថា ត្រូវចំណាយពេលសម្រាករយៈពេលយូរប៉ុណ្ណានោះទេ។

ម្ចាស់ខ្សែក្រវាត់គោជល់ CNC រៀបរាប់៖ «ដៃខ្ញុំបាក់តាំងពីប្រកួតជាមួយឌុម កែវដា វគ្គពាក់កណ្ដាលផ្ដាច់ព្រ័ត្រ។ ឥឡូវដឹងច្បាស់ថា ពេលណាជាទេ តែខ្ញុំសង្ឃឹមថាជាទាន់ស៊ីហ្គេម ហើយបើជាទាន់មែននោះ ខ្ញុំនឹងប្រឹងប្រែងប្រកួតឲ្យបានល្អដើម្បីយកមេដាយជូនកម្ពុជា»។

គួរបញ្ជាក់ថា ឃីម ឌីម៉ា ត្រូវបានសហព័ន្ធប្រដាល់គុនខ្មែរ ជ្រើសរើសជំនួស ឡៅ ចន្ទ្រា ក្នុងវិញ្ញាសាគុនប្រភេទទម្ងន់ ៦៣គីឡូក្រាម ដើម្បីប្រជែងយកមេដាយស៊ីហ្គេម ២០១៧៕

ប្រភព៖ កីឡាដេលី ប្រែសម្រួល៖ លាភ.