គ.ជ.ប ចេញបញ្ជីឈ្មោះបេក្ខជនជាប់ឆ្នោតនៃការបោះឆ្នោតជ្រើសរើសក្រុមប្រឹក្សាឃុំ-សង្កាត់

2017-06-28 08:08:31
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

គ.ជ.ប ឱ្យដឹងនៅថ្ងៃទី២៨មិថុនានេះថា ខ្លួនបានចេញបញ្ជីឈ្មោះបេក្ខជនជាប់ឆ្នោត នៃការបោះឆ្នោតជ្រើសរើសក្រុមប្រឹក្សាឃុំសង្កាត់ អាណត្តិទី៤ ឆ្នាំ២០១៧ ទាំង២៥ រាជធានី-ខេត្ត។ លោកអ្នកអាចស្វែងរកឈ្មោះបេក្ខជនទាំងនោះបាននៅក្នុងវិបសាយរបស់ គ.ជ.ប www.necelect.org.kh។

ទីស្តីការ គ.ជ.ប រូបថត៖ RFA

ការចេញផ្សាយបញ្ជីឈ្មោះបេក្ខជនជាប់ឆ្នោត ធ្វើឡើងបន្ទាប់ពី គ.ជ.ប បានប្រកាសលទ្ធផលបោះឆ្នោតជ្រើសរើសក្រុមប្រឹក្សាឃុំសង្កាត់ ជាផ្លូវការ កាលពីថ្ងៃទី២៥មិថុនា។ លទ្ធផលបង្ហាញថា មានគណបក្សចំនួន ៧ ទទួលបានអាសនៈ រួមមាន គណបក្សប្រជាជនកម្ពុជា ៦៥០៣អាសនៈ គណបក្សសង្គ្រោះជាតិ ៥០០៧អាសនៈ គណបក្សហ៊្វុនស៊ិនប៉ិច ២៨អាសនៈ គណបក្សខ្មែររួបរួមជាតិ ២៦អាសនៈ និងគណបក្សប្រជាធិបតេយ្យមូលដ្ឋាន ៥អាសនៈ គណបក្សសម្ព័ន្ធដើម្បីប្រជាធិបតេយ្យ ៤អាសនៈ និងគណបក្សសំបុកឃ្មុំសង្គមប្រជាធិបតេយ្យ ១អាសនៈ។

អត្ថបទពាក់ព័ន្ធ៖ ផ្លូវការ! CPP ឈ្នះច្រើនអាសនៈជាងគេ តែថយចុះជាង ១ពាន់អាសនៈ ខណៈ CNRP កើនជាង ២ពាន់អាសនៈ

សម្តេច ស ខេង រដ្ឋមន្រ្តីក្រសួងមហាផ្ទៃ បានបញ្ជាក់កាលពីថ្ងៃទី២៣មិថុនាថា ការប្រកាសសុពលភាពសមាជិកក្រុមប្រឹក្សាឃុំ-សង្កាត់ និងប្រកាសឈ្មោះប្រធានក្រុមប្រឹក្សាឃុំ-សង្កាត់ មេឃុំ ចៅសង្កាត់ ជំទប់ និងចៅសង្កាត់រង នឹងធ្វើឡើងនៅក្នុងរយៈពេល ១៤ថ្ងៃបន្ទាប់ពី គ.ជ.ប ប្រកាសលទ្ធផលផ្លូវការ៕

អត្ថបទពាក់ព័ន្ធ៖ សុពលភាពសមាជិកក្រុមប្រឹក្សាឃុំ-សង្កាត់ នឹងត្រូវប្រកាស ២សប្តាហ៍ក្រោយ

អត្ថបទ៖ សំភី