Bravo ធ្វើឲ្យ Ronaldo បានត្រឹមឈរមើលក្រុមព័រទុយហ្គាល់ធ្លាក់ពី Confed Cup

2017-06-29 01:46:17
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អ្នកចាំទី Claudio Bravo របស់ក្រុម Manchester City ត្រូវបានចាត់ទុកជាវីរបុរសរបស់ក្រុមស៊ីលី បន្ទាប់ពីរូបគេបានជួយសង្គ្រោះបាល់ ១១ម៉ែត្របានចំនួន ៣លើកពីការទាត់របស់ព័រទុយហ្គាល់ ក្នុងការទាត់ប៉េណាល់ទី ក្រោយលទ្ធផលស្មើគ្នា ០-០ ក្នុង ១២០នាទី។ ចំណែក Cristiano Ronaldo បានត្រឹមឈរមើលព័រទុយហ្គាល់ចាញ់ ទាំងមិនបានស៊ុត។

Bravo បានសង្គ្រោះបាល់ពីការទាត់របស់ Ricardo Quaresma, Joao Moutinho និង Nani ខណៈស៊ីលី ទាត់បញ្ចូលទីបាន ៣គ្រាប់ដំបូង ក្នុងការស៊ុត ៥គ្រាប់នៅវគ្គទាត់កាត់សេចក្ដី។ ការជួយសង្គ្រោះដ៏អស្ចារ្យនេះ ធ្វើឲ្យ Ronaldo ដែលជាអ្នកស៊ុតទី៥ របស់ព័រទុយហ្គាល់ គ្មានឱកាសបានស៊ុតឡើយ។

អំឡុងការប្រកួត ១២០នាទី ស៊ីលី បានការគ្រប់គ្រងបាល់បានច្រើនជាង ព័រទុយហ្គាល់ ពោលគឺ ៥៩% ទល់នឹង ៤១% ។ ស៊ីលី ស៊ុតបាន ១៦ជើង ចំគោលដៅ ៣លើក រីឯ ព័រទុយហ្គាល់ ស៊ុតបាន ១៤ជើង ចំគោលដៅ ៣លើក ដូចគ្នា។

ដូច្នេះ ស៊ីលី ត្រូវចាំអ៊ុតមើលគូប្រកួតរបស់ខ្លួននៅវគ្គផ្តាច់ព្រ័ត្រ ព្រឹត្តិការណ៍ FIFA Confederations Cup 2017 ដែលនៅសល់១គូទៀតនៅវគ្គពាក់កណ្ដាលផ្តាច់ព្រ័ត្រ រវាងក្រុមអាល្លឺម៉ង់ ជាមួយ ម៉ិកស៊ីកូ យប់នេះ៕