ច្រឹង ពលរដ្ឋ ចង់ឲ្យក្រុម U22 កម្ពុជាសហការគ្នាបន្ថែមទៀត ពេលប៉ះជប៉ុន

2017-06-29 07:45:44
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

បន្ទាប់ពីក្រុម U22 កម្ពុជា ប្រកួតចាញ់ក្រុម U22 មីយ៉ាន់ម៉ា កាលពីម្សិលមិញ ខ្សែបម្រើរបស់ក្លឹបក្រសួងការពារជាតិ ច្រឹង ពលរដ្ឋ បានបង្ហាញក្ដីរំពឹងរបស់ខ្លួនសម្រាប់សមាជិក ដោយត្រូវបង្កើនការយល់ចិត្តគ្នាបន្ថែមទៀត ក្នុងការប្រកួតបន្ទាប់ នៃពានរង្វាន់ KBZ Bank Cup 2017 ។

«សម្រាប់ការប្រកួតបន្ទាប់ទៀត ពួកយើងនឹងខំប្រឹងសហការគ្នាលេងឲ្យបានល្អ»។ នេះជាសម្ដីរបស់កីឡាករដែលបានស៊ុតបញ្ចូលទី១គ្រាប់ឲ្យក្រុម U22 កម្ពុជា សម្រាប់ការប្រកួតដែលចាញ់មីយ៉ាន់ម៉ា ក្នុងលទ្ធផល ៤-១ ប្រាប់ដល់អ្នកកាសែតមីយ៉ាន់ម៉ា។

(រូបភាព៖ សហព័ន្ធកីឡាបាល់ទាត់កម្ពុជា)

កីឡាករមកពីក្រុមជម្រើសជាតិឈុតធំដដែល បានឲ្យដឹងដែរថា កត្តាដែលធ្វើឲ្យក្រុមកម្ពុជាធ្វើមិនបានល្អ ពេលជួបក្រុមម្ចាស់ផ្ទះ គឺដោយសារបញ្ហាខ្វះខាតកម្លាំង និងការត្រៀមលក្ខណៈមិនគ្រប់គ្រាន់។

គួរបញ្ជាក់ថា ក្រុម U22 កម្ពុជា នឹងត្រូវជួបក្រុម U22 ជប៉ុន (Japan Universiade) ក្នុងជំនួបទីពីរ នាថ្ងៃទី៣០ ខែមិថុនា ឆ្នាំ២០១៧ វេលាម៉ោង ៣:៣០ នាទីរសៀល៕

អត្ថបទពាក់ព័ន្ធ

KBZ Bank Cup 2017៖ កម្ពុជាចាញ់មីយ៉ាន់ម៉ា ៤-១

អត្ថបទ៖ លាភ.