Confed Cup៖ រឿងរ៉ាវសំខាន់ៗ មុនការជួបគ្នារវាងអាល្លឺម៉ង់ ជាមួយម៉ិកស៊ីកូ យប់នេះ

2017-06-29 09:58:19
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

វេលាម៉ោង ១ រំលងអាធ្រាត្រ ឈានចូលថ្ងៃទី៣០ ខែមិថុនា ឆ្នាំ២០១៧ ក្រុមមកពីអឺរ៉ុប អាល្លឺម៉ង់ នឹងត្រូវជួបជាមួយក្រុមមកពីអាមេរិកខាងត្បូង ម៉ិកស៊ីកូ ក្នុងវគ្គពាក់កណ្ដាលផ្តាច់ព្រ័ត្រ ព្រឹត្តិការណ៍ FIFA Confederations Cup 2017 នៅប្រទេសរុស្ស៊ី។

ក្រុមអាល្លឺម៉ង់

ក្រុមម៉ិកស៊ីកូ

អាល្លឺម៉ង់ ឡើងមកពីពូល B ក្នុងនាមជាក្រុមលេខ១ មានចំនួន ៧ពិន្ទុ ដោយប្រកួតចំនួន ៣លើក ឈ្នះ២ និងស្មើ១ ។ កីឡាករ Leon Goretzka, Joshua Kimmich និង Kerem Demirbay គឺជាបេក្ខភាពដែលលេងបានល្អនាពេលកន្លងមក ហើយសមាជិករបស់ក្រុម PSG គឺ Julian Draxler គឺជាកីឡាករដ៏សំខាន់ក្នុងនាមជាប្រធានក្រុម។

រីឯ ម៉ិកស៊ីកូ វិញ ឆ្លងមកវគ្គពាក់កណ្ដាលផ្តាច់ព្រ័ត្រ បន្ទាប់ពីបញ្ចប់ក្នុងពូលនៅចំណាត់ថ្នាក់លេខ២ ជាមួយ ៧ពិន្ទុ។ ក្រុមនេះ បានស៊ុតបញ្ចូលទីក្រុមគូប្រកួតបានយ៉ាងតិច ២គ្រាប់ ក្នុងមួយប្រកួត ក្នុងចំណោម ៣ប្រកួតកន្លងមក។

កីឡាករក្រុមនិមួយៗដែលអាចចូលលេងយប់នេះ

- អាល្លឺម៉ង់ (អ្នកចាំទី៖ Ter Stegen; ខ្សែការពារ៖ Ginter, Mustafi, Rudiger; ខ្សែបម្រើ៖ Hector, Can, Goretzka, Kimmich, Draxler, Stindl; ខ្សែប្រយុទ្ធ៖ Werner ។

ម៉ិកស៊ីកូ (អ្នកចាំទី៖ Ochoa; ខ្សែការពារ៖ Alanis, Moreno, Araujo, Layun; ខ្សែបម្រើ៖ Dos Santos, Herrera, Aquino; ខ្សែប្រយុទ្ធ៖ Vela, Hernandez, Jimenez ។

រឿងរ៉ាវសំខាន់ៗ

អាល្លឺម៉ង់ និង ម៉ិកស៊ីកូ ធ្លាប់ជួបគ្នា ៤លើក ប៉ុន្តែម៉ិកស៊ីកូ មិនធ្លាប់ឈ្នះអាល្លឺម៉ង់ ឡើយ។
ជួបគ្នាលើកចុងក្រោយរវាងក្រុមទាំងពីរកាលពីឆ្នាំ២០០៥ ក្នុងព្រឹត្តិការណ៍ Confederations Cup អាល្លឺម៉ង់ បានយកឈ្នះម៉ិកស៊ីកូ ក្នុងលទ្ធផល ៤-៣ នៅម៉ោងបន្ថែម ហើយអ្នកស៊ុតគ្រាប់ជ័យជម្នះឲ្យក្រុមឥន្ទ្រីដែក គឺកីឡាករ Michael Ballack អតីតខ្សែបម្រើក្រុម Chelsea។
កាលពី ២ប្រកួតចុងក្រោយក្នុងពូល A ម៉ិកស៊ីកូ ត្រូវក្រុមគូប្រកួតជាអ្នករកគ្រាប់នាំមុខបានមុន ប៉ុន្តែក្រោយចប់ ៩០នាទី ពួកគេមិនធ្លាប់ចាញ់ម្ដងណាឡើយ។

សម្រាប់ក្រុមទាំងពីរ ប្រសិនបើក្រុមណាឈ្នះ នឹងត្រូវឡើងទៅវគ្គផ្តាច់ព្រ័ត្រ ជួបក្រុមស៊ីលី ដែលកំពុងរង់ចាំស្រាប់ ក្រោយយកឈ្នះព័រទុយហ្គាល់ដោយទាត់បាល់ ១១ម៉ែត្រ ក្នុងលទ្ធផល ៣-០។

ខ្លីៗ ទស្សន៍ទាយថា អាល្លឺម៉ង់ នឹងយកឈ្នះ ម៉ិកស៊ីកូ ក្នុងលទ្ធផល ៣-១

ប្រភព៖ The Hard Tackle ប្រែសម្រួល៖ លាភ.