រដ្ឋមន្ត្រីមហាផ្ទៃ ឲ្យខុមហ្វ្រែល-និកហ្វិច បញ្ឈប់សកម្មភាពខុសច្បាប់របស់បន្ទប់ស្ថានការណ៍

2017-07-05 01:11:14
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សម្តេច ស ខេង រដ្ឋមន្ត្រីក្រសួងមហាផ្ទៃ បានធ្វើលិខិតពីរដាច់ដោយឡែកផ្ញើជូនលោក គល់ បញ្ញា នាយកប្រតិបត្តិគណៈកម្មាធិការបោះឆ្នោតដោយសេរី និងយុត្តិធម៌នៅកម្ពុជា ហៅកាត់ខុមហ្វ្រែល និងលោក សំ សុគន្ធាមី នាយកប្រតិបត្តិអង្គការអព្យាក្រឹត្យ និងយុត្តិធម៌ ដើម្បីការបោះឆ្នោតនៅកម្ពុជា ហៅកាត់ និចហ្វិក កាលពីថ្ងៃទី០៤ ខែកក្កដា ឆ្នាំ២០១៧ ពាក់ព័ន្ធករណីបន្ទប់ស្ថានការណ៍ស្តីពីការបោះឆ្នោតជ្រើសរើសក្រុមប្រឹក្សាឃុំ សង្កាត់ ឆ្នាំ២០១៧។

នៅក្នុងលិខិតនោះ រដ្ឋមន្ត្រីក្រសួងមហាផ្ទៃបានបញ្ជាក់ថា ការបង្កើតបន្ទប់ស្ថានការណ៍ស្តីពីការបោះឆ្នោតជ្រើសរើសក្រុមប្រឹក្សាឃុំ ឆ្នាំ២០១៧ ដោយមានការចូលរួមពីអង្គការ និងសមាគមប្រមាណចំនួន៤០ ជាសមាជិកគឺអនុវត្តផ្ទុយទៅនឹងបទប្បញ្ញត្តិ នៃច្បាប់ស្តីពីសមាគម និងអង្គការមិនមែនរដ្ឋាភិបាល។ ចំពោះសេចក្ដីថ្លែងការណ៍របស់បន្ទប់ស្ថានការណ៍មិនមានតម្លៃគតិយុត្ត និងមិនបានឆ្លុះបញ្ចាំងពីអព្យាក្រឹត្យភាព ដូចមានចែងក្នុងមាត្រា២៤ នៃច្បាប់ស្តីពីសមាគម និងអង្គការមិនមែនរដ្ឋាភិបាល។ ជាមួយគ្នានេះ រដ្ឋមន្ត្រីក្រសួងមហាផ្ទៃ សូមអោយអង្គការទាំងពីរ ត្រូវបញ្ឈប់សកម្មភាពខុសច្បាប់របស់បន្ទប់ស្ថានការណ៍ និងត្រូវអនុវត្តសកម្មភាពរបស់ខ្លួនអោយបានត្រឹមត្រូវស្របតាមច្បាប់ស្តីពីសមាគម និងអង្គការមិនមែនរដ្ឋាភិបាល ច្បាប់លិខិតបទដ្ឋានគតិយុត្តនានាជាធរមាន៕