ប៉ាក់គីអៅ ថាលើកនេះនឹងគិតគូររឿងចូលនិវត្តន៍ម៉ត់ចត់ជាងមុន
- 2017-07-05 06:23:21
- ចំនួនមតិ 0 | ចំនួនចែករំលែក 0
ប៉ាក់គីអៅ ថាលើកនេះនឹងគិតគូររឿងចូលនិវត្តន៍ម៉ត់ចត់ជាងមុន
ចន្លោះមិនឃើញ
បន្ទាប់ពីប្រកួតចាញ់ក្រោមថ្វីដៃអ្នកប្រដាល់អូស្ត្រាលី Jeff Horn ជើងឯកខ្សែក្រវាត់ពិភពលោក ៨លើក ម៉ានី ប៉ាក់គីអៅ បានបង្ហើបថា ខ្លួននឹងពិចារណាឲ្យបានម៉ត់ចត់ពីការចូលនិវត្តន៍ បន្ទាប់ពីជាពីរបួស និងសម្រាកមួយរយៈ។
«ខ្ញុំមានគម្រោងសម្រាកមួយរយៈ ដើម្បីបំបាត់ការឈឺចាប់ពីក្នុងរាងកាយសិន ហើយបន្ទាប់មកទៀត ខ្ញុំនឹងគិតគូរពីវា (ការចូលនិវត្តន៍)»។ អ្នកប្រដាល់សញ្ជាតិហ្វីលីពីន បានបន្ត។
ភ្លាមៗ ក្រោយការប្រកួតខាងលើ ប៉ាក់គីអៅ ចង់ឲ្យមានការប្រកួតឡើងវិញជាមួយ Horn ប៉ុន្តែភរិយា និងគ្រូបង្វឹករបស់លោក បានផ្ដល់ដំបូន្មានឲ្យខ្លួនបោះបង់អាជីពប្រដាល់មួយនេះក្រោយពីឆ្លងកាត់អស់រយៈពេល ២២ឆ្នាំ។
សូមរម្លឹកថា ប៉ាក់គីអៅ បានប្រកាសចូលនិវត្តន៍ម្ដងរួចមកហើយ កាលពីឆ្នាំ២០១៦ ដើម្បីផ្ដោតលើការងារនយោបាយ ដែលខ្លួនត្រូវបានបោះឆ្នោតក្លាយជាសមាជិកព្រឹទ្ធសភាហ្វីលីពីនមួយរូប។ យ៉ាងណាមិញ រូបលោកបានសម្រេចចិត្តឡើងរេញវិញ កាលពីខែវិច្ឆិកា ដើម្បីតទល់នឹងកីឡាករអាមេរិក Jessie Vargas ៕