សហព័ន្ធប្រដាល់សកលអាស៊ី សន្យាជួយក្រុមប្រដាល់សកលកម្ពុជាលើ ២ចំណុច

2017-07-05 08:40:58
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សហព័ន្ធប្រដាល់សកលអាស៊ី (ASBC) បានសន្យាជំរុញលើកទឹកចិត្តឲ្យក្រុមកីឡាការិនីប្រដាល់សកលកម្ពុជា ចូលរួមការប្រកួត "2017 ASBC Asian Confederation Women's Elite Boxing Championships” ដែលនឹងរៀបចំនៅខែវិច្ឆិកា ខាងមុខនេះ។

ASBC បានឆ្លើយតបនឹងសំណើរបស់សហព័ន្ធកីឡាប្រដាល់សកលកម្ពុជា ដោយសន្យាឧបត្ថម្ភសម្ភារៈប្រកួតសម្រាប់កីឡាការិនីកម្ពុជា និងការចំណាយផ្សេងៗទៀត។ ម្យ៉ាងវិញទៀត ASBC សន្យាបន្តជួយគាំទ្រ និងឧបត្ថម្ភក្រុមកីឡាប្រដាល់សកលកម្ពុជា ក្នុងការចូលរួមការប្រកួតជាលក្ខណៈអន្តរជាតិនានា សម្រាប់ឆ្នាំ២០១៧ ក៏ដូចជាឆ្នាំ២០១៨។

សំណើរបស់សហព័ន្ធកីឡាប្រដាល់សកលកម្ពុជា ត្រូវបានធ្វើឡើងក្នុងដំណើរចូលរួមការប្រកួត "2017 ASBC Asian Conderation Youth Boxing Championships” ដោយលោក ប៊ុយ សុភ័ណ្ឌ អគ្គលេខាធិការ ក្នុងនាមជាភ្ញៀវកិត្តិយស ចាប់ថ្ងៃទី៤ ដល់ថ្ងៃទី៧ ខែកក្កដា ឆ្នាំ២០១៧ នៅប្រទេសថៃ តាមការអញ្ជើញរបស់សហព័ន្ធប្រដាល់សកលអាស៊ី៕