Microsoft គ្រោងកាត់បន្ថយបុគ្គលិកខ្ទង់ពាន់នាក់ ព្រោះតែហេតុផលម្យ៉ាង!

2017-07-06 02:26:04
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

របាយការណ៍ពី TechCrunch បានបង្ហាញថា ក្រុមហ៊ុន Microsoft មានគម្រោងកាត់បន្ថយបុគ្គលិកមួយចំនួនធំ ក្នុងគោលដៅរៀបចំរចនាសម្ព័ន្ធថ្មី ដើម្បីផ្ដោតលើសេវាកម្ម Azure Cloud។ ជុំវិញរឿងរ៉ាវនេះ Bloomberg ក៏បានបន្ថែម ការបញ្ឈប់នេះនឹងកើតមានឡើងចាប់ពីសប្ដាហ៍នេះតទៅ ហើយអាចប៉ះពាល់ដល់បុគ្គលិកគ្រប់សាខាទូទាំងពិភពលោក។

អាជីវកម្ម Azure របស់ Microsoft បានចាប់ផ្ដើមទទួលប្រាក់ចំណូលកើនឡើងទ្វេដង ក្នុងត្រីមាសទី ៣ ដែលមានកំណើនលក់ ៩៣ ភាគរយ ហើយវាក៏ជាការប្រកួតប្រជែងជាមួយសេវាកម្មផលិតផល Amazon Web Service។ កាលពីខែកក្កដាឆ្នាំទៅ Microsoft ធ្លាប់បានប្រកាសម្ដងរួចមកហើយ ដោយខ្លួនមានគម្រោងកាត់បន្ថយការងារ ២,៨៥០ កន្លែងក្នុងមួយឆ្នាំ ទាក់ទងនឹងអាជីវកម្មផលិតស្មាតហ្វូន។ ក្នុងបទសម្ភាសន៍ជាមួយ CNBC ក្រុមហ៊ុន Microsoft បាននិយាយយ៉ាងខ្លីថា «យើងកំពុងអនុវត្តលើការផ្លាស់ប្ដូរឱ្យប្រសើរជាងមុន នូវសេវាកម្មបម្រើអតិថិជននិងដៃគូសហការរបស់យើង» ដោយពុំបានបន្ថែមព័ត៌មានជាក់លាក់អ្វីផ្សេងទៀតឡើយ៕

ប្រភព៖ CNBC ប្រែសម្រួល៖ កៅ រក្សា