លោកឧកញ៉ា ម៉ុង ឬទ្ធី បញ្ជាក់ជាថ្មីថា មិនបានរិះគន់រដ្ឋមន្រ្តីកសិកម្មទេ

2017-07-10 09:38:53
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោកឧកញ៉ា ម៉ុង ឬទ្ធី បានបញ្ជាក់ជាថ្មីនៅថ្ងៃទី១០កក្កដានេះថា លោកមិនបានរិះគន់រដ្ឋមន្រ្តីក្រសួងកសិកម្មទេ។ លោកបានបញ្ចេញប្រតិកម្មនេះ ឆ្លើយតបទៅនឹងទំព័រហ្វេសប៊ុកមួយដែលមានឈ្មោះថា «ផែងវណ្ណៈ» ដែលបានសរសេរយ៉ាងដូច្នេះថា «ឯកឧត្តមឧកញ៉ា ម៉ុង ឬទ្ធី រិះគន់រដ្ឋមន្រ្តីក្រសួងកសិកម្មថា បានតែដើរសន្យាតែមិនធ្វើ។ ឯកឧត្តមឧកញ៉ា មានប្រសាសន៍នេះ ចាក់ដោតចំបេះដូងកសិករហ្មង សូមគាំទ្រឯកឧត្តមឧកញ៉ាម៉ាទំហឹងហ្មង។»

លោក ម៉ុង ឬទ្ធី បានចោទសួរថា «បានសម្តីដែលថាខ្ញុំនិយាយនេះពីណាមក?»។ លោកអះអាងថា ក្នុងមួយជីវិតលោក កម្រវាយប្រហារអ្នកណាម្នាក់ណាស់។ លោកស្នើឲ្យទំព័រហ្វេសប៊ុកនេះ លុបការបង្ហោះនោះចេញ។

សូមបញ្ជាក់ថា កាលពីសប្តាហ៍មុន លោកក៏បានប្រតិកម្មទៅលើបណ្តាញសារព័ត៌មានមួយ ដែលបានដាក់ចំណងជើងថា «ឧកញ៉ា ម៉ុង ឬទ្ធី រិះគន់លើរដ្ឋមន្រ្តីក្រសួងកសិកម្មថាចេះតែដើរសន្យារឿងទប់ស្កាត់ជ្រូក...»។ លោក ម៉ុង ឬទ្ធី អះអាងថា មិនមានហេតុផលណាមួយ ដែលត្រូវរិះគន់រដ្ឋមន្រ្តីកសិកម្មនោះទេ៕