ដឹងអត់ថាអាជីវកម្មរបស់អ្នកឧកញ៉ា ទ្រី ភាព មានអ្វីខ្លះ?

2017-07-14 03:02:56
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមហ៊ុន ទ្រី ភាព គ្រុប ត្រូវបានបង្កើតឡើងដោយអ្នកឧកញ៉ា ទ្រី ភាព កាលពីដើមឆ្នាំ២០០៣។ ក្រុមហ៊ុននេះ បានអភិវឌ្ឍដីសម្បទានសេដ្ឋកិច្ច និងដីកម្មសិទ្ធិរបស់ក្រុមហ៊ុន ក្រោមរូបភាពជាចម្ការដាំកសិ-ឧស្សាហកម្ម (កៅស៊ូ, ម្រេច) តំបន់រមណីយដ្ឋាន សំណង់ និងសេវាទំនិញជាដើម (ផែស្ងួត)។

តើអាជីវកម្មរបស់ក្រុមហ៊ុននេះ មានអ្វីខ្លះ? យោងតាមវិបសាយផ្លូវការរបស់ក្រុមហ៊ុន អាជីវកម្មរបស់ក្រុមហ៊ុនទ្រី ភាព គ្រុប មានដូចខាងក្រោម៖

ផ្នែកដំណាំកសិ-ឧស្សាហកម្ម៖

ចម្ការកៅស៊ូ ១៨៦០ហិចតា និងចម្ការម្រេច ៥០ហិចតា នៅស្រុកវាលវែង ខេត្តពោធិ៍សាត់។
ចម្ការកៅស៊ូ ៣៣៧៦ហិចតា និងចម្ការម្រេច ៥០ហិចតា នៅស្រុករវៀង ខេត្តព្រះវិហារ។

ផ្នែកទេសចរណ៍ និងសណ្ឋាគារ

ខុនដូកម្ពស់ ១២ជាន់ នៅសង្កាត់បឹងកេងកងទី១ ខណ្ឌចំការមន រាជធានីភ្នំពេញ លើផ្ទៃដី ១៨៦២ម៉ែត្រការ៉េ (កសាងបាន ៧៥ ទៅ ៨០%)
សណ្ឋាគារ និងកាស៊ីណូមិត្តភាព នៅស្រុកអូរយ៉ាដាវ ខេត្តរតនគិរី (ជាប់ព្រំដែនកម្ពុជា-វៀតណាម) គ្របដណ្ដប់លើផ្ទៃដី ២ហិចតា (ដំណើរការដើមឆ្នាំ២០១៥)

វិមាន ទី្រ ផាលែសរីស្សត និងស្ប៉ា ជាប្រភេទផ្ទះខ្មែរបុរាណ ធ្វើពីឈើប្រណិត គ្របដណ្ដប់លើផ្ទៃដីប្រមាណ ២ហិចតា នៅខេត្តកែប។
សណ្ឋាគារ និងកាស៊ីណូថ្មដា នៅស្រុកវាលវែង ខេត្តពោធិ៍សាត់ (ក្បែរច្រកព្រំដែនខ្មែរ-ថៃ) គ្របដណ្ដប់លើផ្ទៃដី ១០ហិចតា។
សណ្ឋាគារ និងកាស៊ីណូ អានសេះ ស្ថិតនៅស្រុកជាំក្សាន្ត ខេត្តព្រះវិហារ (ក្បែរច្រកព្រំដែនខ្មែរ-ថៃ) លើផ្ទៃដីប្រមាណ ៥ហិចតា។

ផ្នែកសិប្បកម្ម

ក្រុមហ៊ុនទ្រីភាព គ្រុប មានរោងសប្បកម្ម ២កន្លែងធំៗ គឺនៅស្រុកអង្គស្នួល ខេត្តកណ្ដាល គ្របដណ្ដប់លើផ្ទៃដៃប្រមាណ ៤៥,១៤៧ហិចតា និងនៅស្រុកភ្នំក្រវ៉ាញ ខេត្តពោធិ៍សាត់ គ្របដណ្ដប់លើផ្ទៃដីប្រមាណ ១,៥ហិចតា។

ផ្នែកផែស្ងួត

ផែស្ងួតនៅតំបន់សេដ្ឋកិច្ចពិសេសអូរយ៉ាដាវ ខេត្តរតនគិរី
ផែស្ងួតនៅស្រុកឧត្តុង្គ ខេត្តកំពង់ស្ពឺ គ្របដណ្ដប់លើផ្ទៃដី ៣០ហិចតា

ផ្នែកតំបន់សេដ្ឋកិច្ចពិសេស

តំបន់សេដ្ឋកិច្ចពិសេស ទ្រី ភាព អូរយ៉ាដាវ ខេត្តរតនគិរី (ផ្ទៃដី ១៣៦ហិចតា)

តំបន់សេដ្ឋកិច្ចពិសេស អិម ឌី អេស ថ្មដា ខេត្តពោធិ៍សាត់ គ្របដណ្ដប់លើផ្ទៃដៃ ២២៦៥ហិចតា ក្នុងនោះ ៥៩៤ហិចតា ជាតំបន់អភិវឌ្ឍន៍ទេសចរណ៍ ពាណិជ្ជកម្ម និងផ្សារទំនើប និង ១៦៧១ហិចតា ជាតំបន់ដំណាំកសិ-ឧស្សាហកម្ម។

ផ្នែកប្រេង

ក្រុមហ៊ុនប៉ាប៉ាប៉េត្រូលៀម នាំប្រេងចែកចាយទូទាំងប្រទេស មានស្ថានីយ៍ផ្ទាល់ខ្លួននៅខេត្តព្រះវិហារ រតនគិរី កំពង់ស្ពឺ និងរាជធានីភ្នំពេញ។

បន្ថែមលើនេះ ក្រុមហ៊ុន ទ្រី ភាព គ្រុប មានក្រុមហ៊ុនបុត្រសម្ព័ន្ធផ្សេងទៀត ដូចជាក្រុមហ៊ុន ទ្រី ភាព ហ្រ្គេនរ៉ូយ៉ាល់ ដែលមាន រោងចក្រដំឡើងម៉ូតូជាច្រើនប្រភេទ (ក្នុងមួយថ្ងៃអាចដំឡើងបានពី ៤០០ ទៅ ៥០០គ្រឿង)៕