Mourinho ថា Man Utd ត្រូវជះលុយទិញកីឡាករថែមប៉ុន្មាននាក់ទៀត?

2017-07-15 06:18:40
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ដោយសារកីឡាករជាច្រើននាក់របួសរយៈពេលយូរ អ្នកចាត់ការទូទៅក្រុម Manchester United បានបង្ហើបថា លោកត្រូវការទិញកីឡាករថែម ២នាក់ទៀត សម្រាប់រដូវកាល២០១៧-១៨ ខាងមុខនេះ។

នៅដើមរដូវកាលថ្មីនេះ ក្រុមបិសាចក្រហមបាននាំយកកីឡាករ ២រូបរួចមកហើយមកចូលរួម ពោលគឺខ្សែការពារ Victor Lindelof មកពីក្រុម Benfica តម្លៃប្រហែល ៣០លានផោន និងខ្សែប្រយុទ្ធ Romelu Lukaku ពី Everton ក្នុងតម្លៃ ៧៥លានផោន។

លោក Jose Mourinho បានប្រាប់អ្នកសារព័ត៌មាននៅអាមេរិកថា៖ «ពួកយើងប្រហែលមិនអាចទិញបាន ២នាក់ទេ។ អាចតែម្នាក់ ប៉ុន្តែពួកយើងពិតជាត្រូវការថែមម្នាក់ទៀត ដើម្បីឲ្យមានជម្រើសកាន់តែច្រើន។ ពួកយើងមានកីឡាករច្រើន តែមិនអាចលេងបានប៉ុន្មានខែខាងមុខ ដូចជា Rojo, Ashley Young, Luke Shaw, Zlatan ប្រសិនបើគេបន្តនៅជាមួយពួកយើងទៀត»។

លោកបន្ត៖ «ពួកយើងត្រូវការថែម២នាក់ទៀត យ៉ាងហោចណាស់ក៏ម្នាក់ដែរ ប៉ុន្តែខ្ញុំមិនអាចនិយាយថា ជា Matic ឬក៏នរណានោះទេ ពីព្រោះខ្ញុំមិនដឹងច្បាស់ថាពិតឬអត់»៕