LG ដាក់ឱ្យប្រើសាកល្បងមនុស្សយន្ត ២ នៅអាកាសយានដ្ឋានសេអ៊ូល

2017-07-24 02:19:48
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ទន្ទឹមនឹងការរៀបចំត្រៀមស្វាគមន៍កីឡាអូឡាំពិករដូវរងានៅឆ្នាំក្រោយក្នុងប្រទេសកូរ៉េខាងត្បូង ក្រុមហ៊ុនយក្សក្នុងស្រុក LG បានបើកដំណើរការសាកល្បងនូវមនុស្សយន្ត ២ ប្រភេទ នៅឯអាកាសយានដ្ឋានអន្តរជាតិ ក្នុងទីក្រុងសេអ៊ូល ដែលមួយប្រភេទជាមគ្គុទ្ទេសក៍អ្នកនាំផ្លូវភ្ញៀវ និងមួយទៀតជាអ្នកសម្អាតក្នុងបរិវេណអាកាសយានដ្ឋាន។

មនុស្សយន្តទាំង ២ នេះ កន្លងទៅ LG បានប្រកាសជាលើកដំបូងក្នុងព្រឹត្តិការណ៍ CES កាលពីដើមឆ្នាំ ខណៈប្រភេទមនុស្សយន្តមគ្គុទ្ទេសក៍ មានតួនាទីផ្ដល់នូវព័ត៌មាននិងទិសដៅផ្សេងៗ ដល់អ្នកធ្វើដំណើរអំពីម៉ោងហោះហើរជាដើម។ ទៀតសោតវាអាចនិយាយ ៤ ភាសារួមមាន កូរ៉េ, អង់គ្លេស, ចិន និងជប៉ុន។ ចំណែកឯមនុស្សយន្ត ក្រុមហ៊ុន LG បានលើកឡើងដោយផ្ទាល់ថា វាអាចធ្វើការតាមដាននិងត្រួតពិនិត្យនូវទីតាំងបរិវេណណា ដែលត្រូវសម្អាតជាញឹកញយ ហើយរក្សានូវទិន្នន័យពីទីតាំងនោះទុក ហើយគណនាចម្ងាយជាក់លាក់មួយក្នុងការធ្វើដំណើរទៅដល់ទីនោះ។

ទស្សនាវីដេអូខាងក្រោម ដែលបង្ហាញត្រួសៗ ពីសកម្មភាពនៃមនុស្សយន្តដែល LG បានបង្ហាញនៅព្រឹត្តិការណ៍ CES៖