Park Ji-Sung ទទួលបានតំណែងថ្មីមួយ តំណាងទ្វីបអាស៊ី

2017-07-25 06:22:23
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អតីតកីឡាកររបស់ក្រុមបិសាចក្រហម Manchester United និងក្រុមជម្រើសជាតិកូរ៉េខាងត្បូង Park Ji-Sung ត្រូវតែងតាំងជាអ្នកផ្ដល់យោបល់កីឡាបាល់ទាត់នៃក្រុមប្រឹក្សាសមាគមកីឡាបាល់ទាត់អន្តរជាតិ កាលពីថ្ងៃទី២៤ ខែកក្កដា ឆ្នាំ២០១៧។

ក្រុមអ្នកផ្ដល់យោបល់កីឡាបាល់ទាត់ និងបច្ចេកទេស ដែលទើបតែបង្កើតឡើងកាលពីពេលថ្មីៗនេះ មានសមាជិកជាអ្នកជំនាញមកពីពិភពបាល់ទាត់ជុំវិញពិភពលោក ដើម្បីជួបពិភាក្សាក្នុងកិច្ចប្រជុំផ្សេងៗ។ កិច្ចប្រជុំទាំងនោះ នឹងដាក់សំណើដើម្បីកែប្រែលើវិន័យនៃកីឡាបាល់ទាត់ ការផ្ដល់យោបល់សម្រាប់ការធ្វើពិសោធន៍ និងការងារផ្សេងៗទៀត។

Park Ji-Sung និងលោក Faisal Al Dakheel ជនជាតិគុយវ៉ែត នឹងក្លាយជាអ្នកតំណាងឲ្យសហព័ន្ធកីឡាបាល់ទាត់ទ្វីបអាស៊ី ក្នុងក្រុមអ្នកផ្ដល់យោបល់នោះ។

Park Ji-Sung បានចូលនិវត្តន៍ពីបាល់ទាត់កាលពីឆ្នាំ២០១៤។ រូបគេបានបញ្ចប់ការសិក្សាផ្នែក FIFA Masters កាលពីឆ្នាំ២០១៦ បន្ទាប់ពីចូលរួមវគ្គបណ្ដុះបណ្ដាលផ្នែកគ្រប់គ្រងកីឡា ដែលរៀបចំដោយមជ្ឈមណ្ឌលអន្តរជាតិសម្រាប់ការសិក្សាកីឡា គាំទ្រដោយ FIFA ៕

ប្រភព៖ AFC ប្រែសម្រួល៖ លាភ.