Messi Jay បង្ហាញខ្លួនលើកដំបូង ឯ CV11 មិនទាន់ជាប់ជម្រើស១១នាក់ម្ដងឡើយ

2017-07-27 02:22:07
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

តារាបាល់ទាត់ឆ្នើមរបស់ក្រុមជម្រើសជាតិថៃ Chanathip Songkrasin ឬរហស្សនាម Messi Jay បានធ្វើការបង្ហាញខ្លួនជាលើកទីមួយ សម្រាប់ក្រុមលីគកំពូលជប៉ុន Consadole Sapporo បន្ទាប់ពីចូលរួមបានរយៈពេលត្រឹមតែ ១ខែប៉ុណ្ណោះ។ ផ្ទុយពីតារាបាល់ទាត់កម្ពុជា ចាន់ វឌ្ឍនាកា ដែលមិនទាន់អាចបង្ហាញខ្លួនលើកដំបូង ក្នុងការប្រកួតលីគលំដាប់ទី៣ ជាមួយក្រុម Fujieda MYFC នៅឡើយទេ។

Chanathip បង្ហាញខ្លួនលើកដំបូង នៅក្រុម Consadole Sapporo

ក្រុម Consadole Sapporo បានដាក់ Chanathip ក្នុងការប្រកួតពានរង្វាន់ Cup របស់ជប៉ុន នៅតំបន់បម្រើប្រយុទ្ធ ដោយប្រកួតទល់នឹងក្រុម Cerezo Osaka ។ Chanathip បានផ្ទេរពីក្រុម Muangthong United ទៅក្រុមជប៉ុនខាងលើ ក្នុងលក្ខខណ្ឌខ្ចីជើងចំនួន ១៨ខែ ហើយគេរំពឹងថា នឹងអាចបង្ហាញខ្លួនលើទីលានជាលើកដំបូងក្នុងលីគកំពូល នាពេលឆាប់ៗនេះ។

សូមបញ្ជាក់ថា ចំពោះខ្សែប្រយុទ្ធកម្ពុជា រហស្សនាម CV11 មិនទាន់ត្រូវបានដាក់ជាជម្រើស១១នាក់ដំបូង ក្នុងក្រុម Fujieda MYFC នោះទេ។ ក្រៅពីមិនទាន់បានចូលលេងក្នុងការប្រកួតលីគលំដាប់ទី៣ កីឡាករមានប្រភពពីខេត្តកំពតរូបនេះ ទើបតែបង្ហាញខ្លួនបានមួយលើក កាលពីការប្រកួតពាន Emperor Cup ដែលត្រូវបានប្ដូរចូលនៅពាក់កណ្ដាលតង់ទី២៕