សារព័ត៌មានល្បីមួយថា ច្រឹង ពលរដ្ឋអាចធ្វើបានល្អជាង CV11 បើផ្ទេរទៅជប៉ុន

2017-07-31 02:09:28
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ខ្សែបម្រើឆ្នើមរបស់កម្ពុជា ច្រឹង ពលរដ្ឋ ត្រូវបានចុះផ្សាយដោយសារព័ត៌មានល្បីល្បាញ Fox Sports Asia ដែលតែងតែសរសេរពីកីឡាករល្អៗ របស់កម្ពុជា ព្រមទាំងកីឡាករជាច្រើនរូបទៀតនៅក្នុងតំបន់អាស៊ាន។

ប្រភពដដែលបានជ្រើសរើស ច្រឹង ពលរដ្ឋ ជាកីឡាករម្នាក់ក្នុងចំណោមកីឡាករ ៥នាក់ដែលត្រូវបានរំពឹងថា នឹងអាចដើរតាមគន្លងរបស់ខ្សែបម្រើឆ្នើមរបស់ថៃ Chanathip Songkrasin ដែលបានផ្ទេរទៅកាន់ក្រុម Consadole Sapporo នៅលីគកំពូលជប៉ុន។ Chanathip បានបង្ហាញការលេងបានយ៉ាងល្អ ក្នុងថ្ងៃប្រកួតដំបូងរបស់គេ សម្រាប់ការប្រកួតពានរង្វាន់ Cup របស់ជប៉ុន។

ច្រឹង ពលរដ្ឋ ត្រូវបានសរសើរថា ជាកីឡាករវ័យ២០ឆ្នាំដែលអាចលេងក្នុងតំបន់បម្រើកណ្ដាលខាងក្រោម និងខាងលើ។ លើសពីនេះ រូបគេមានបម្លាស់ទី និងការវាយលុកបានល្អ ព្រមទាំងអាចបញ្ជូនបាល់បានច្រើនស្ថានភាព។ ខណៈដែល ចាន់ វឌ្ឍនាកា កំពុងជួបការលំបាកក្នុងការសម្របខ្លួននៅក្នុងលីគលំដាប់ទី៣ជប៉ុន Fox Sports Asia គិតថា ពលរដ្ឋ នឹងអាចធ្វើបានល្អជាងកីឡាកររហស្សនាម CV11 ប្រសិនបើគេមានឱកាសទៅលេងនៅទីនោះ។

ក្រៅពីខ្សែបម្រើរបស់ជម្រើសជាតិកម្ពុជាខាងលើ ក៏នៅមានកីឡាករអាស៊ីអាគ្នេយ៍ ៤រូបទៀតផងដែរ គឺ ខ្សែបម្រើ Nguyen Cong Phuong (វៀតណាម), ខ្សែការពារស្លាប Tristan Do (ថៃ), ខ្សែបម្រើ Muhammad Akhyar (ម៉ាឡេស៊ី) និង ខ្សែប្រយុទ្ធ Fufino (ទីម័រខាងកើត)៕