គ្រូជប៉ុនសរសើរ Chanathip ក្រោយដាក់លេងជាជម្រើស១១នាក់ដំបូងក្នុងការប្រកួតលីគ

2017-07-31 04:57:30
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អ្នកចាត់ការទូទៅក្រុម Consadole Sapporo បានបង្ហាញការពេញចិត្តចំពោះទម្រង់លេងរបស់សមាជិកថ្មី Chanathip Songkrasin បន្ទាប់ពីលោកបានផ្ដល់ឱកាសដល់កីឡាករថៃរូបនេះ បង្ហាញខ្លួនជាជម្រើស ១១នាក់ដំបូង ក្នុងការប្រកួតសប្ដាហ៍ទី១៩ នៃលីគកំពូលជប៉ុន J-League កាលពីថ្ងៃសៅរ៍ សប្ដាហ៍មុន។

លោក Shuhei Yomoda បាននិយាយថា «Chanathip ទើបតែចូលរួមជាមួយពួកយើងបាន ១ខែ ប៉ុន្តែពួកយើងបានឃើញពីតិចនិករបស់គេហើយ... ខ្ញុំគិតថា គេនឹងជួយពួកយើងបានច្រើន»។

ការប្រកួតនេះ បានបញ្ចប់ទៅដោយ Consadole Sapporo យកឈ្នះក្រុម Urawa ក្នុងលទ្ធផល ២-០ ដែលជាការតែតបញ្ចូលទីទាំងពីរគ្រាប់ ពីខ្សែប្រយុទ្ធ Ken Tokura និងខ្សែប្រយុទ្ធ Jay Bothroyd ។ Consadole Sapporo ឈរនៅលេខ១៤ មាន ១៩ពិន្ទុ។

កាលពីថ្មីៗកន្លងទៅ កីឡាកររហស្សនាម Messi Jay បានបង្ហាញខ្លួនជាលើកដំបូងនៅក្នុងការប្រកួត Cup ជប៉ុន បន្ទាប់ពីប្ដូរចូលក្នុងតង់ទី២។ រូបគេជាកីឡាករថៃទីមួយដែលមានឱកាសទៅលេងនៅលីគកំពូលជប៉ុន ដោយត្រូវបានខ្ចីជើងពីក្រុម SCG Muangthong United ក្នុងរយៈពេល ១៨ខែ៕

វីដេអូ Highlights ការប្រកួត Consadole Sapporo Vs Urawa