បេក្ខភាពណាដែលនឹងជំនួសតំណែង បើ Neymar ចេញពី Barcelona?

2017-07-31 23:44:05
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

Barcelona កំពុងចាប់ផ្ដើមការស្វែងរកអ្នកស្នងតំណែងរបស់ Neymar ប្រសិនបើរូបគេសម្រេចចិត្តចាកចេញពីទឹកដី Nou Camp ដើម្បីចូលរួមជាមួយក្លឹប PSG ក្នុងតម្លៃផ្ទេរ ២២២លានអឺរ៉ូ ឬ ប្រហែល ២៦០លានដុល្លារអាមេរិក។

ក្នុងនោះ បេក្ខភាពចំនួន ២រូបដែលអាចជំនួសតំណែងនេះបាន គឺ Antoine Griezmann និង Paulo Dybala ។ សម្រាប់ Griezmann មានតម្លៃខ្លួនខ្ទង់ ២០០លានអឺរ៉ូ។ យ៉ាងណាមិញ កីឡាករសញ្ជាតិបារាំងរូបនេះ ទើបតែស៊ីញេលើកុងត្រាថ្មីជាមួយ Atletico Madrid ប៉ុណ្ណោះ ក្រោយពេលដែលក្លឹបនេះត្រូវបានពិន័យ មិនឲ្យធ្វើការដោះដូរកីឡាកររហូតដល់ឆ្នាំក្រោយ។ ចំណែក Dybala មានតម្លៃ ១២០លានអឺរ៉ូ។ កីឡាករសញ្ជាតិអាហ្សង់ទីនរូបនេះ បានរួមចំណែកជួយឲ្យ Juventus លើកពាន Serie A និងក្លាយជាជើងឯករងពានរង្វាន់ UEFA Champions League កាលពីរដូវកាលមុន។

ntoine Griezmann

Paulo Dybala

គួរបញ្ជាក់ថា រឿងចម្រូងចម្រាសរបស់ Neymar បានកើតឡើង ខណៈ Barcelona បានចោទ PSG ថាបានលួចទាក់ទង Neymar ដែលផ្ទុយពីច្បាប់ដោះដូរកីឡាករ ហើយគ្រោងរាយការណ៍ទង្វើរបស់ក្លឹបខាងលើ ទៅកាន់ UEFA អំពីការញុះញង់កីឡាកររបស់ខ្លួនឲ្យចាកចេញ៕

ប្រភព៖ Dailymail ប្រែសម្រួល៖ លាភ.