Le Cong Vinh៖ Chanathip លេងល្អជាងខ្ញុំ កាលនៅជប៉ុនទៀត

2017-08-01 02:44:21
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អតីតខ្សែប្រយុទ្ធឆ្នើមរបស់ក្រុមជម្រើសជាតិវៀតណាម Le Cong Vinh បានសរសើរខ្សែបម្រើថៃ Chanathip Songkrasin ដែលបានបង្ហាញខ្លួននៅទឹកដីជប៉ុន ក្នុងលីគកំពូលជាមួយក្រុម Consadole Sapporo ។

កាលពីចុងសប្ដាហ៍កន្លងទៅ Cong vinh ដែលមានវ័យ ៣១ឆ្នាំទៅហើយនោះ បានស្ថិតនៅប្រទេសថៃ ដើម្បីតាមដានការប្រកួតលីគកំពូលថៃ ក្នុងជំនួបរវាងក្រុម Chonburi FC និង Suphanburi ខណៈ Chanathip បានបង្ហាញខ្លួនជាលើកដំបូងក្នុងការប្រកួតលីគកំពូលជប៉ុន ដែលក្រុមរបស់គេ បានយកឈ្នះ Urawa Reds ក្នុងលទ្ធផល ២-០ ។

Chanathip Songkrasin

Cong Vinh បាននិយាយពីកីឡាកររហស្សនាម Messi Jay ថា៖ ***«ខ្ញុំយល់ថា គេ (Chanathip) នឹងធ្វើបានល្អនៅ J-League ពីព្រោះគេនៅក្មេង មានកម្លាំង។ គ្មានអ្វីត្រូវសង្ស័យច្រើននោះទេ... បច្ចេកទេសលេងរបស់គេ ល្អបំផុត។ ខ្ញុំធ្លាប់ជួបគ្នាច្រើនដង ហើយគេជាមនុស្សល្អ។ នេះជាសំណាងរបស់គេ ដែលបានលេងនៅក្លឹបល្អ។ ប្រធានក្លឹប Consadole លោក Yoshikazu Nonomura ជាមនុស្សល្អ ពិសេស កីឡាករ និងប្រជាជន Sapporo មានភាពរាក់ទាក់ណាស់»***។

«ខ្ញុំគិតថា គេលេងបានល្អជាងខ្ញុំ... ខ្ញុំជឿថា គេនឹងអាចស៊ុតបញ្ចូលទីបានច្រើនគ្រាប់ ហើយជួយក្រុមរបស់គេរក្សាកៅអីនៅលីគកំពូល នៅរដូវកាលនេះ»។ Cong Vinh បន្ត។

Le Cong Vinh

អតីតខ្សែប្រយុទ្ធរបស់វៀតណាមខាងលើ ធ្លាប់ប្រកបអាជីពនៅក្រុម Consadole Sapporo ក្នុងលីគលំដាប់ទី២ កាលពីឆ្នាំ២០១៣ បន្ទាប់ពីខ្ចីជើងពីក្រុមវៀតណាម Song Lam Nghe An។ អំឡុងរយៈពេល ៥ខែនៃលក្ខខណ្ឌខ្ចីជើង Cong Vinh ជួបបញ្ហាបន្តិចបន្តួច រួចបានសម្រេចចិត្តត្រឡប់ទៅវៀតណាមវិញ មុន ១ខែនៃកិច្ចសន្យា៕

អត្ថបទពាក់ព័ន្ធ

គ្រូជប៉ុនសរសើរ Chanathip ក្រោយដាក់លេងជាជម្រើស១១នាក់ដំបូងក្នុងការប្រកួតលីគ

ប្រភព៖ Football Tribe ប្រែសម្រួល៖ លាភ.