ចិន ប្រតិកម្ម នឹងនាវាអាមេរិក ដែលឆ្លងកាត់កោះរបស់ខ្លួន

2017-08-11 07:35:28
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ចិន បានជំទាស់យ៉ាងខ្លាំង ចំពោះអាមេរិក ដែលបញ្ជូននាវាចូលក្នុងសមុទ្រចិនខាងត្បូង ដោយឆ្លងកាត់កោះសិប្បនិម្មិត១ របស់ចិន។

អ្នកនាំពាក្យក្រសួងការបរទេសចិន លោក Geng Shuang បាននិយាយកាលពីយប់ថ្ងៃទី១០សីហាថា កាយវិការរបស់អាមេរិក បានប៉ះពាល់យ៉ាងធ្ងន់ធ្ងរ ដល់សន្តិសុខ និងអធិបតេយ្យភាពចិន ព្រមទាំងអាចបង្កគ្រោះថ្នាក់នៃកងទ័ពប្រទេសទាំង២។

លោក Geng Shuang អ្នកនាំពាក្យក្រសួងការបរទេសចិន

លោកបន្តថា សកម្មភាពរបស់អាមេរិកបែបនេះ នឹងធ្វើឲ្យចិន កាន់តែចាត់វិធានការបន្ថែមទៀត ដើម្បីពង្រឹងសមត្ថភាពការពារទឹកដីរបស់ខ្លួន។

មន្រ្តីកងទ័ពជើងទឹកអាមេរិកម្នាក់ បានឲ្យដឹងថា នាវាពិឃាដអាមេរិក USS S. McCain បានធ្វើដំណើរឆ្លងកាត់តំបន់ថ្មប៉ប្រះទឹក Mischief កាលពីថ្ងៃព្រហស្បតិ៍ម្សិលមិញ។ មន្រ្តីរូបនោះ អះអាងថា យោធារបស់ខ្លួន នឹងបន្តប្រតិបត្តិការតាមសមុទ្រ និងអាកាស គ្រប់ទីកន្លែង ដែលត្រូវបានអនុញ្ញាតដោយច្បាប់អន្តរជាតិ៕

ប្រភព៖ Bangkokpost ប្រែសម្រួល៖ សំភី