ការលក់ Paulinho ទៅ Barcelona ជារឿងមិនធ្លាប់មានរបស់ក្លឹបចិន

2017-08-15 03:34:23
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុម Barcelona បានប្រកាសទិញយកខ្សែបម្រើ Paulinho ពីក្រុម Guangzhou Evergrande នៅប្រទេសចិន ហើយនេះជាលើកទីមួយសម្រាប់លីគកំពូលចិន ដែលបានលក់កីឡាកររបស់ខ្លួនទៅកាន់ក្រុមយក្សនៅទ្វីបអឺរ៉ុប។

ជាធម្មតា លីគកំពូលចិនត្រូវចាត់ទុកជាទីកន្លែងប្រកបអាជីពរបស់កីឡាករវ័យចំណាស់ៗ និងគ្មានការអភិវឌ្ឍខ្លួន។ ប៉ុន្តែ Paulinho ដែលមានវ័យ ២៩ឆ្នាំជាកីឡាករទីមួយ ដែលត្រូវបានក្រុម Barcelona ទិញយកដើម្បីពង្រឹងតំបន់បម្រើរបស់ខ្លួន។

ថ្មីៗនេះ Barcelona បានប្រកាសពីការនាំយក Paulinho ក្នុងតម្លៃ ៤០លានអឺរ៉ូ (ជិត ៥០លានដុល្លារអាមេរិក) ដែលជាការទិញកីឡាករលើកដំបូងរបស់ក្រុមអ្នកមានបុណ្យ នៅដើមរដូវកាលថ្មីនេះ បន្ទាប់ពីលក់ខ្សែប្រយុទ្ធ Neymar ទៅឲ្យ PSG ។

កីឡាករសញ្ជាតិប្រេស៊ីលខាងលើ បានចូលរួមជាមួយ Spurs នៅអង់គ្លេស កាលពីឆ្នាំ២០១៣ ក្នុងតម្លៃប្រមាណជា ២០លានអឺរ៉ូ ហើយ ២ឆ្នាំក្រោយមកបានផ្លាស់ទៅ Guangzhou Evergrande តម្លៃ ១៤លានអឺរ៉ូ៕

ប្រភព៖ BBC | Marca ប្រែសម្រួល៖ លាភ.