ស៊ីហ្គេម៖ គ្រូបាល់ទះ ជឿជាក់លើសមត្ថភាពកូនក្រុម មុនប៉ះម៉ាឡេស៊ី ល្ងាចនេះ

2017-08-21 07:12:40
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមបាល់ទះបុរសជម្រើសជាតិកម្ពុជា នឹងត្រូវជួបក្រុមម្ចាស់ផ្ទះម៉ាឡេស៊ី ក្នុងការប្រកួតវគ្គបឋម នៅម៉ោង ៦ ល្ងាច ថ្ងៃទី២១ ខែសីហា ឆ្នាំ២០១៧ នេះ ដើម្បីប្រកួតប្រជែងកៅអីវគ្គបន្តជាមួយ ២ប្រទេសផ្សេងទៀត ក្នុងពូល A ដែលមាន មីយ៉ាន់ម៉ា និង ថៃ។

លោក គាំ ស៊ាងព៊ីន គ្រូបង្វឹកក្រុមបាល់ទះជម្រើសជាតិកម្ពុជា បានឲ្យដឹងថា ការជ្រើសរើសសមាជិកក្រុមកីឡាបាល់ទះនេះ មានច្រើនដំណាក់កាល។ សហព័ន្ធបាល់ទះកម្ពុជា បានត្រៀមខ្លួនយ៉ាងល្អ បើប្រៀបធៀបនឹងឆ្នាំមុនៗ។ លោកសង្ឃឹមថា ក្នុងព្រឹត្តិការណ៍ស៊ីហ្គេមលើកទី២៩នេះ កម្ពុជានឹងអាចដណ្ដើមបានមេដាយណាមួយ។

លោក គាំ ស៊ាងព៊ីន

ដោយឡែក ពូល B រួមមាន ហ្វីលីពីន ឥណ្ឌូណេស៊ី ទីម័រខាងកើត និងវៀតណាម។

សូមរម្លឹកថា កាលពីស៊ីហ្គេមឆ្នាំ២០១៥ កម្ពុជា ស្ថិតនៅពូលជាមួយ វៀតណាម ឥណ្ឌូណេស៊ី និង សិង្ហបុរី។ ក្នុងនោះ កម្ពុជា បានយកឈ្នះសិង្ហបុរី ក្នុងការប្រកួតបើកឆាក ដោយលទ្ធផល ៣ សិតទល់នឹង ០ ប៉ុន្តែចាញ់វៀតណាម និង ឥណ្ឌូណេស៊ី ០ សិតទល់នឹង ៣ ដូចគ្នា៕

អត្ថបទ៖ លាភ.