ក្ដៅៗ Rooney ប្រកាសចូលនិវត្តន៍ពីក្រុមជម្រើសជាតិហើយ!

2017-08-23 13:02:15
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ខ្សែប្រយុទ្ធដែលស៊ុតបញ្ចូលទីឲ្យក្រុមតោកំណាចអង់គ្លេសបានច្រើនជាងគេក្នុងប្រវត្តិសាស្ត្រ Wayne Rooney បានប្រកាសចូលនិវត្តន៍ពីក្រុមជម្រើសជាតិ បន្ទាប់ពីរូបគេបានបធិសេធការកោះហៅរបស់គ្រូជម្រើសជាតិ ក្នុងយុទ្ធនាការត្រៀមប្រកួតជម្រុះ World Cup នាខែក្រោយ។

កីឡាករវ័យ ៣១ឆ្នាំរបស់ក្រុម Everton រូបនេះ បានប្រកាសពីបញ្ហាខាងលើ នៅល្ងាចថ្ងៃទី២៣ ខែសីហានេះ។ រូបគេ នឹងមិនមានឈ្មោះក្នុងការលេងទល់នឹងក្រុមម៉ាល់តា និងស្លូវ៉ាគី នៅខែកញ្ញាខាងមុខនេះឡើយ។

Rooney ត្រូវបានមើលរំលងដោយលោក Gareth Southgate គ្រូបង្វឹកក្រុមជម្រើសជាតិអង់គ្លេស កាលពីប្រកួតជាមួយស្កុតឡែន និងអេស្ប៉ាញ ក្នុងខែមិថុនាកន្លងទៅ។ អតីតខ្សែប្រយុទ្ធរបស់ក្រុម Manchester United ដដែល បានបង្ហាញខ្លួនក្នុងក្រុមជម្រើសជាតិជាលើកដំបូងកាលពីឆ្នាំ២០០៣។

ក្នុងនាមជាកីឡាករជម្រើសជាតិ Rooney ស៊ុតបញ្ចូលទីបាន ៥៣គ្រាប់ ក្នុងការបង្ហាញខ្លួន ១១៩លើក៕

ប្រភព៖ BBC ប្រែសម្រួល៖ លាភ.