ផ្ទុះការវាយប្រហារ ២កន្លែងនៅអឺរ៉ុប កាលពីយប់មិញ

2017-08-26 04:35:22
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

នៅយប់ថ្ងៃទី២៥ សីហា ម្សិលមិញ ក្រុងប្រ៊ុចសែល របស់បែលហ្ស៊ិក និងនៅមុខព្រះបរមរាជវាំង Buckingham របស់អង់គ្លេស សុទ្ធតែមានការវាយប្រហាររវាងប៉ូលិស និងជនសង្ស័យ។

ក្រុងប្រ៊ុចសែល របស់បែលហ្ស៊ិក

ការវាយប្រហារទីមួយ បានកើតឡើងនៅក្រុងប្រ៊ុចសែល របស់បែលហ្ស៊ិក ដោយបុរសម្នាក់បានប្រើកាំបិត ចាក់ប៉ូលិស ២នាក់ ដែលកំពុងល្បាត។ ភា្លមៗនោះ ប៉ូលិសបានបាញ់បុរសនោះ ឲ្យរងរបួសធ្ងន់ និងបានស្លាប់នៅពេលបញ្ជូនមកសង្រ្គោះនៅមន្ទីរពេទ្យ។

ករណីនេះ អាជ្ញាធរក្រុងប្រ៊ូសសែលបានចាត់ទុកជាអំពើភេរវកម្ម។

ព្រះបរមរាជវាំង Buckingham របស់អង់គ្លេស

ចំណែកការវាយប្រហារទី២ បានកើតឡើងនៅមុខព្រះបរមរាជវាំង Buckingham របស់អង់គ្លេស។ ក្នុងនោះ បុរសម្នាក់បានបើករថយន្តមកជិតប៉ូលិសនៅមុខព្រះបរមរាជវាំង Buckingham ហើយប៉ូលិសបានឃើញក្នុងរថយន្តនោះ មានកាំបិតធំមួយ។ ក្រោយឃើញដូច្នេះ ប៉ូលិសអង់គ្លេស ២នាក់ បានទៅចាប់បុរសនោះ។ ក្នុងការចាប់ខ្លួននោះ បានបណ្ដាលឲ្យប៉ូលិសរងរបួសស្រាល ចំណែកជនសង្ស័យក៏បានរងរបួសស្រាលផងដែរ។

ក្រោយការចាប់ខ្លួន ជនសង្ស័យដែលមានវ័យ ២០ឆ្នាំនោះ ត្រូវបានបញ្ជូនទៅមន្ទីរពេទ្យ។

អាជ្ញាធរអង់គ្លេស បញ្ជាក់ថា នេះពុំមានជាករណីភេរវកម្មនោះទេ៕

ប្រភព៖ BBC ប្រែសម្រួល៖ វាសនា